Тыршись муртэ адӟытэк уг кельто

Удмурт Дунне
By Удмурт Дунне 30 октября, 2012 07:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тыршись муртэ адӟытэк уг кельто

А. Ураськин луиз лулчеберет удысын дано ужась

Шаерысьтымы кызё пала адямиослэн гадь вылазы воректӥзы медальёс, соос пусъемын кун премиосын, сӥлы каремын сӥё-дано нимъёсын.

Данъям муртъёс пӧлын — промышленность, гурт хозяйство, дышетон, эмъян, культура но мукет удысъёсын ӟеч азинскон басьтэмъёс, шаермес, Россиез кужмогес карон понна лулысь-сюлмысь тыршисьёс.
Та адӟем карымон адямиосты нимысьтыз сӥлы кариз Президент А. Волков. Котькудӥзлы со шедьтӥз шуныт, тау карон кылъёс:
— Республикамы берло дыре трос вормонъёс басьтэ. Котькыӵе удысын ик азинсконъёсмы адӟисько, — шуиз со. — Но уката пусйымонэз: калыклэн азьлане улонлы осконэз кылдэ. Соинтэк-а республикаысьтымы семьяос туннэ кышкатэк ваё кыкетӥзэ-куинетӥзэ пинал? Туэ 9 толэзь ӵоже 15 сюрс пала нуныос вордскизы ни. Кылем даурысь 90-тӥ аръёсы быдэс ар ӵоже но сомында ӧз вордске…

Президент оске, та вормонъёс басьтӥсько, одӥг кыткетын мыло-кыдо тыршыса гинэ. Кун премиос ваньмызлы уг сётӥсько, нош кин тырше, соосты адӟытэк кельтыны уг луы, уг яра.
— Тазьы сӥлы каремзы выль ужъёс борды ӝыбыр-ӝабыр басьтӥськыны эшшо кужым сётэ, шӧдӥськод, юнме уд тыршиськы, — пусъе Удмурт театрлэн кивалтӥсез Андрей Ураськин.

Андрей Иванович, школаын дышетскыкуз ик, шӧдэ ни вылэм: азьлань сюрессэ одно  герӟалоз культура удысэн. Озьы со, Уфаысь театральной институтэз йылпумъяса, вуэ Удмурт театре. Собере 15 арзэ сӥзе «Катанчи» театрлы. Нош ог 8 ар талэсь азьло выльысь берытске Удмурт театре  — кивалтӥсь луыса. Дано нимен пусъемзэс аслаз гинэ вормонэныз уг лыдъя. Театрысь быдэс коллективлы тау каре.

Ӵош ужась эшъёсызлы тау каре Ижысь техникая кун университетлэн ректорез Борис Якимович но. Солэн гадь вылаз бырттэмын Эшъяськон орден. Но Президент киысь басьтэм сяська керттэтсэ Борис Анатольевич соку ик кузьма резиденцие лыктэм анаезлы. Шуэ: анай-атаез сое бурдъязы, азьлане шонер сюрес возьматӥзы.

Россиысь дано нимъёсын но гадьпусъёсын сӥлы каремъёс пӧлын  — Ижысь медициная академиысь кафедраен кивалтӥсь Николай Максимов, Эгралэсь нылпи спортшколаысь тренер Александр Широбоков, Республикаысьтымы искусствоосъя нылпи школаысь дышетӥсь Наталья Морозова, Ижысь циркысь артист Сергей Просвирнин… Таос одӥг ымысь сямен пусъё: кунамы вормонъёс басьтыны али тырмыт луонлыкъёс кылдытэмын. Усьтӥсько ӵыжак выль дышетон, эмъян, культура учреждениос. Адямиосмы быгатонлыкъёссэс возьматон понна кышкатэк потало шаермылэн палэназ но. Куноосты кепыратэк пумитаны быгатӥськом асьмеос но. Угось вань мае возьматыны, маин данъяськыны!

Элина Кумачёва

Туспуктӥз Владимир Беломорских

Удмурт Дунне
By Удмурт Дунне 30 октября, 2012 07:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<