Садын кисьмазы яблокъёс

Удмурт Дунне
By Удмурт Дунне 15 октября, 2012 14:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Садын кисьмазы яблокъёс

А. Островскийлэн пьесаезъя «Правда — хорошо, а счастье лучше» спектакль

Кылем арняе Удмуртиысь ӟуч драмая театр усьтӥз 78-тӥ сезонзэ А. Островскийлэн комедиеныз. «Правда — хорошо, а счастье лучше» спектакль бордын ужазы Казаньысь усточиос — режиссёр Владимир Чегишев, художник Сергей Скоморохов, балетмейстер Людмила Чегишева.

Ижысь учкисьёслы та нимъёс тодмо ини, соос ик пуктӥзы вал Н. Гогольлэсь «Женитьбазэ». Нош таиз спектакль азьло вакытэ гожтэмын ке но, туала улонмылы туж тупа. Пуштросэзъя, Барабошев купечлэн садаз яблокъёс кисьмало, кисьма солэн чебер нылыз Поликсена но. Ватскыса чупаськонъёс, яратон гожтэтъёс, пунэм тыронъёс но пӧртэм юанъёс огинэ люкасько. Геройёс малпасько, мар дуногес: зэмлык-а? шуд-а?

Премьера дырысен куинь нунал гинэ ортчиз ай, нош театрысь артистъёс кузь сюрес вылэ потӥзы ни. Ӟуч драмая театрысь прес-службаын ужась Ольга Котова верамъя, толон артистъёс Рязане гастроле кошкизы.

— 18-тӥ-24-тӥ коньывуонэ Рязаньысь драмая театрын Удмуртиысь усточиос возьматозы 7 спектакль. Удмуртиысь учкисьёс но ӝоже уз кыле. Иже лыктӥз Рязаньысь драмая театр. 18-тӥ коньывуонэ со возьматоз «Школа соблазна» комедия, нош ӵуказеяз шумпоттоз пиналъёсты крезьгуро выжыкылэн. Арня ӵоже соос возьматозы куать спектакль, — шуэ Ольга Котова.

Галина Семёнова

Туспуктэмез: драмтеатр18.рф 

Удмурт Дунне
By Удмурт Дунне 15 октября, 2012 14:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<