Пӧраське огназ дыръя

Удмурт Дунне
By Удмурт Дунне Октябрь 2, 2012 17:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пӧраське огназ дыръя

В. Ившин

 

«Удмуртия» издательствоын трос аръёс ӵоже валтӥсь редакторлэсь ужзэ быдэсъя Вениамин Ившин. Удмурт Республикалэн Кун премиезлэн лауреатэз, Удмуртиысь но Россиысь культура удысысь сӥё-дано ужась та толэзе аслэсьтыз юбилейзэ пусйыны дасяське.

Кез ёросысь Ванялуд гуртын вордскем пияш пичиысен котьма ужлы дышиз. Анайзы Мария Алексеевна вить пиналэз огназ будэтӥз, аслэсьтыз нылпиоссэ сяна, ӵыжы-выжызылэн мумы-бубытэк кылем нылзылы но пыд вылаз султыны юрттӥз. Пиналъёс ог-огзэс ноку ӧз обидьылэ, нош улонын пумиськылӥсь шуг-секытъёсты котьку дэмен быдэсъяны тыршизы.

Венялэн туж потэ вал нюлэсчи луэмез, но со вакытэ Йошкар-Олаын гинэ та удыслы дышетӥзы. Кыдёкын шуыса, анаез лэзьыны дӥсьтымтэ. Озьы Вениамин Ившин дышетӥсьлэн сюрестӥз вамыштӥз. Ӟуч литератураез яратон мылкыд пыӵатӥз солы Кез черкогуртысь дышетӥсез, кылбурчи О. Поскрёбышев, удмуртсэ — университетысь тодосчи Д. Яшин, нош кылбурет удысын нырысь вамышъёссэ чаклаз кылбурчи Ф. Васильев. Бадӟым дышетӥсьёсыз ик улонын шонер вамышъёс лэсьтыны юрттӥзы.

— Гуртоослы паймисько, — веранзэ азьланьтэ Вениамин Никонорович. — Ӧвӧлэз вань карыны быгато. Сиён ческыт пӧраны быгато, огшоры картошлэсь турлы сиён дасяло. Туннэ кадь ик олашкилэн шӧмыз ымам возиське. Пятак быдӟа табаньёсты анае пӧра вал. Нош бадӟым гурын чугунын пӧзьтэм шыдлэсь я ӝуклэсь ческытэз номыр ӧвӧл, дыр.

Вордскем палъёсаз Вениамин Ившин та вакытэ шер вуылэ, выжы лэзиз, шуыны луоз, кузпалызлэн Валентина Михайловналэн вордскем палъёсаз — Дэри ёросысь Шабердћ гуртэ. Кӧня ке ар талэсь азьло соослы отчы юрт пуктыны инты висъязы.
— Ижын улӥмы ке но, арнялы быдэ сямен Шабердће бертамы, — шуэ Вениамин Ившин. — Тау карисько гурт калыклы, веме карыса, корка ӝутыны юрттӥзы. Бер сӥзьыл куазь сульпаське ни вал. Гурт калык юрттыны лыктэм. Эшшо но юн пайми воргоронъёслэн кузпалъёссылы, соос буш киын вуиллямтэ — бадӟым вӧшъёс тыр пыжиськемъёс вайиллям.

Вениамин Никонорович гур котырын берганы уг яраты ке но, огназ дыръя котьма пӧраны быгатэ. Мудронзэ лэсьтыса уг выры, нырысь ик холодильниксэ эскероз. Толло кылем картошка, одӥг пуньы тыр кӧй пыры, сӥль яке колбаса, кубиста, помидор шедьтӥз ке, сютэм уз кыльы. Ваньзэ соосты, векчи юдыса, таба валын пырсатэ. Вӧй пӧлын кӧня ке ӵыжатэмез бере вылаз курегпуз кисьтэ. Таӵе фирменной сиён лэсьтыны Лексей пизэ но дышетэм. Вениамин Никонорович серекъя, кык кечез, пе, кутӥськомы: кӧтмес но тыриськомы, холодильникез но кылем-мылем сиёнъёслэсь бушатӥськомы.

Ившинъёс туж ярато пӧртэм специосты: гвоздикаез, пӧсьтурынэз, тминэз. Бакчаязы одно ик будэто укроп, петрушка, сельдерей, базелик, анис. Сылалтӥськонъёсазы, пӧ-раськонъёсазы соосты тыро.
Ӵош ужась эшъёсыз Вениамин Никоноровичен данъясько, удмурт издательстволэн атаеныз ӵошато, сямызъя но выросъёсызъя, пе, ӟег нянь кадь, ваньмызлы юрттыны тырше.

Валентина Емельянова

Удмурт Дунне
By Удмурт Дунне Октябрь 2, 2012 17:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<