Кун Кенешысь ялан ужась комиссиосын кивалтозы

Удмурт Дунне
By Удмурт Дунне 31 октября, 2012 07:13

Кун Кенешысь ялан ужась комиссиосын кивалтозы

Широбокова Софья Эльфатовна. Вордскемын 1961-тӥ арын Вавож ёросысь Волипельга черкогуртын

Варламов Владимир Сергеевич. Вордскемын 1957-тӥ арын 11-тӥ ноябре Вотка районысь Июльское черкогуртын. Йылпумъямын Ижысь Гурт удысъя институтэз но Удмурт кун университетысь аспирантураез. Кема аръёс ужаз «Июльское» хозяйствоын — шофёрысен будӥз валтӥсь инженерозь. 1987-тӥ-1993-тӥ арын Фрунзе нимо колхозэн кивалтӥз. 1993-тӥ-2008-тӥ аръёсы Вотка ёрос администрациысь кивалтон удысын вал. 2008-тӥ арын быръемын Удмуртиысь Правительстволэн Тӧроезлы воштӥсе. Табере — Кун Кенешысь Экономикаысь политикая, промышленностья но инвестициосъя ялан ужась комиссилэн тӧроез.

Казанцева Ольга Петровна. Вордскемын 1956-тӥ арын 20-тӥ августэ Ижын. Дышетскиз Ижысь механикая институтын но Кун службая Урал академиын. Ужан сюрессэ мытӥз 1975-тӥ арын Ижысь механикая заводын инженер-конструктор луыса. 1993-тӥ-1996-тӥ аръёсы Россиысь оружейникъёслэн огазеяськонзылэн секретарез. 2000-тӥ-2006-тӥ аръёсы «Аспэк» огаезяськонын директорлэн юрттӥсез. 2008-тӥ арысен Кун Кенешысь Наукая, дышетонъя, культурая но егитъёсын ужан политикая комиссилэн тӧроезлэн воштӥсез. Юнматэмын Социальной политикая ялан ужась комиссилы тӧрое.

Касимов Энвиль Владимирович. Вордскемын 1961-тӥ арын 23-тӥ январе Балезино каргуртын. Йылпумъямын Удмурт кун университетэз но Москваысь Суриков нимо художественной институтэз. Ужаз Москваысь «Глобус» кооперативын суредась луыса. 1993-тӥ арын Ижысь «Галерея» центрлэн директорезлэн воштӥсез. 1998-тӥ-2002-тӥ аръёсы алюминий конструкциосъя фирмаен кивалтӥз, отӥяз «АСК-Монтаж» огазеяськонын отделлэн кивалтӥсез вал. 2003-тӥ арысен валтэ «Известия Удмуртской Республики» газетэз. Юнматэмын Нациосын ужан политикая, кышкытлыклэсь утиськонъя, регламентъя но Кун Кенешлэсь ужзэ радъянъя комиссилы тӧрое.

Кривилёва Светлана Петровна. Вордскемын 1958-тӥ арын 10-тӥ декабре Киров улосысь Санчурск городын. Йылпумъямын Ижысь медициная кун институтэз. 1983-тӥ-1988-тӥ аръёсы ужаз Ижысь 3 номеро нылпи ваён юртын, отӥяз — нылкышно консультациын. Кивалтӥз Семьяез но нуны ваёнэз радъянъя элькун центрен. 2002-тӥ арын валтӥсь врач луиз Клинико-диагностической центрын. 2005-тӥ-2007-тӥ аръёсы быръемын Кун Кенешысь социальной политикая ялан ужась комиссилы тӧрое. Парламентлэн ньылетӥ ӧтчамаз Светлана Кривилёва спикерлэн воштӥсез вал.

Кузнецова Наталья Фёдоровна. Вордскемын 1953-тӥ арын 14-тӥ мае Челябинск улосысь Сосновской районысь Щербаки гуртын. Йылпумъяз Удмурт кун университетысь правоведение удысэз. 1971-тӥ арын ужаны кутскиз Ижысь Октябрь ёросын калыклы улон-вылонын юрттэт сётонъя отделын инспекторын, бӧрысь отделэн кивалтӥз. 1988-тӥ-2001-тӥ аръёсы калыклы улон-вылонын юрттонъя министрлэн воштӥсез вал. 2001-тӥ-2009-тӥ аръёсы Пенсиосъя фондлэн Удмурт ёзэзлэн кивалтӥсезлэн воштӥсез. 2009-тӥ арысен юридической юрттэт сётонъя огазеяськонлэн директорез. Юнматэмын Кун лэсьтӥськонъя но интыысь аскивалтонъя комиссилы тӧрое.

Невоструев Владимир Петрович. Вордскемын 1959-тӥ арын 4-тӥ ноябре Юкаменск районысь Гулекшур гуртын. Улэ Ижын. Дышетскемез вылӥ, тодон-валан люказ Глазовысь совхоз-техникумын но Ижысь гурт удысъя институтын. 1980-тӥ аръёсы механик, валтӥсь инженер луыса ужаз, собере кивалтӥз Юкаменск ёросысь «Трактор» хозяйствоен. 1998-тӥ арын быръемын Юкаменск ёрос администрацилы йыре. 2000-тӥ арын луиз Удмуртиысь гурт удысъя но сиён-юонъя министр. Эшшо кык ар ортчыса, Владимир Невоструевлы оскизы Правительстволэн Тӧроезлэн воштӥсез луыны, со дыре ик кивалтӥсь быдэсъяз на министрлэсь ужзэ но. 2008-тӥ арын юнматэмын Кун Кенешысь Тӧролы воштӥсе но Гурт удысъя, музъем кусыпъёсъя но инкуазез утёнъя ялан ужась комиссилы тӧрое.

Сударикова Наталья Алексеевна. Вордскемын 1954-тӥ арын 16-тӥ декабре Татарстанысь Агрыз городын. Йылпумъяз Удмурт кун университетэз но Кун службая Урал академиез. Ужамын ӟуч кылъя но литературая дышетӥсь луыса Ижысь 38-тӥ школаын. Бӧрысь кивалтэмын 50-тӥ школаен. 1999-тӥ-2004-тӥ аръёсы Удмуртиысь дышетонъя но наукая министрлэн воштӥсез, собере нырысетӥ воштӥсез. 2007-тӥ-2012-тӥ аръёсы Кун Кенешысь Наукая, дышетонъя, культурая но егитъёсын ужан политикая комиссилэн тӧроез. Та ужзэ азьланьтоз таяз ӧтчамын но.

Широбокова Софья Эльфатовна. Вордскемын 1961-тӥ арын 30-тӥ ноябре Вавож ёросысь Волипельга черкогуртын. Йылпумъяз Ижысь гурт удысъя институтэз, Пермьысь гурт удысъя институтэз, Россиысь Президент бордын ужась Кун службая академиез. 1984-тӥ арын ужаны кутскиз Эгра районысь «Чутырский» совхозын валтӥсь экономистын. 1995-тӥ арын юнматэмын Кун Кенешысь Бюджетъя, вытъя но коньдон ужпумъёсъя ялан ужась комиссилэн тӧроезлы воштӥсе. 1999-тӥ арысен, вис карытэк, Софья Широбокова та комиссиен кивалтэ.

Елена Скворцова

Удмурт Дунне
By Удмурт Дунне 31 октября, 2012 07:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<