Кубиста ӵогон вакыт!

Удмурт Дунне
By Удмурт Дунне 31 октября, 2012 07:42

Кубиста ӵогон вакыт!

Кубиста туэ удалтӥз

Берозьгес кыстӥськиз туэ шаерамы бакча сиёнъёсты утялтон. Картош котькуд гектарысь 170 центнерлэсь ятыргес люкаськиз, бакча сиёнъёс — 360 центнер котыр. 2010-тӥ кӧс арен ӵошатыса, туэ «кыкетӥ нянь» ньыль поллы тросгес бичамын. Кылем арын 184 центнер вал.

Чебер картошсы туэ ас бакчазэс возисьёслэн. Ӟеч урожайзы вавожъёслэн — гектарысьтыз 206 центнер люкаллям. Та ёросын азьвыл 300 центнерлэсь ятыр октылӥзы. Юнме шат пӧртэм аръёсы та ёросысь музъем ужасьёс пыртылэмын вал Удмуртилэн Данъян пул вылаз. Соос пӧлын «Луч», «Зарни луд» гурт предприятиос, туэ — «Жуё-Можга» СПК-ысь Анатолий Актемыровлэн картошка будэтонъя звеноез.

— Та вормонъёс нырысь ик герӟаськемын картошкалэн сортэныз, — валэктэ Вавож ёросысь гурт хозяйствоя управленилэн кивалтӥсез Владимир Капеев. — Туэ тужгес но удалтӥзы немец сортъёс. Тани «Колос» хозяйствоын «Розалинд» сорт гектарысьтыз 200 центнер люкаськиз, нош «Невский» 150 центнер гинэ. Гектарысьтыз 235 центнер бичазы туэ «Зарни луд» СХП-ын.

Республикаын вань бичам картош пӧлысь гурт предприятиослэн люкетсы ялан пичи кыле — туэ мерттэмын вал 4 сюрс 53 гектаре. Трослы ик ӧз йылэтэ картош бусыоссэс крестьян-фермер хозяйствоос но. 80 процентэз «кыкетӥ нянь» будэтӥське ас бакчазэс возисьёсын.

Бакча сиёнъёс ласянь паймыто туэ Можга ёросысь фермеръёс. Вазь вуись кубистазы гектарысьтыз 423 центнер люкаськиз. Нош Дэбес ёросысь «Тыловай» огазеяськон котькуд гектарысь 800 центнер кубиста ӵогиз. Таӵе вормон соос басьтӥзы, Израильын бичам ву пазян установкаен ужаса.

Иван Аркашев

Туспуктэмез: udmfoto.ru

Удмурт Дунне
By Удмурт Дунне 31 октября, 2012 07:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<