Котыр ласянь умой улӥськомы

Удмурт Дунне
By Удмурт Дунне 30 октября, 2012 07:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Котыр ласянь умой улӥськомы

Сиён-юонлы дунъёс будэмын 6,7 процентлы

 

Кызьы азинске республикамылэн экономикаез но социальной удысэз, Приволжск федерал округысь мукет улосъёсын ӵошатыса? Та пумысен йылпумъянъёс лэсьтӥз Удмуртстат огазеяськонлэн кивалтӥсезлэн воштӥсез Елена Миронова.

Котыр ласянь умой улӥськомы, шуэ Елена Миронова. Корка ӝутон ласянь гинэ берпуметӥ интыосты басьтӥськомы. Туэ лэсьтэмын 3 сюрс 709 квартира. Со 11 процентлы ичигес кылем арын сярысь. Республикаын тросэз пуктӥсько ас мылкыд каремзыя.

Ар кутсконын шаерамы улӥсьёслэн лыдзы — 1 миллион 518 сюрс адями. Туэ дас толэзь ӵоже вордскиз 15 сюрс 400 пинал. Та ласянь Удмуртия Приволжск федерал округын нырысетӥ интыын. 12 сюрс 900 мурт кулӥз. Озьы ке но вордӥськемъёс 1,2 поллы уногес. Удмуртие туэ вуэмъёс — 7 сюрс 21 адями, дорысьтымы кошкемъёс — 9 сюрс 66.
Шоро-куспо уждун туннэ Удмуртиын 17 сюрс 692 манет. Тужгес трос уксё басьто мувӧй поттӥсьёс — ог 38 сюрс манет. Ӧжыт тыро гурт удысын тыршисьёслы — 9 сюрс манет. Кылем арысь та вакытэз ик учконо ке, туэ шоро-куспо уждун 17 процентлы уногес. Та лыдпусъя Приволжск федерал округын асьмеос 5-тӥ интыын. 1-тӥ интыын Башкортостан — уждунзы 2 сюрс манетлы тросгес. Тужгес ӧжыт уждун Марий Элын — ог 11 сюрс манет.

Инфляция кылем арын 5 процент вал ке, али — 5,6 процент. Сиён-юонлы дунъёс туэ будэмын 6,7 процентлы. Коммунальной услугаос понна али 8,8 процентлы тросгес тыриськомы, кылем арен ӵошатыса.
Гурт удысын туэ поттэмын 34,6 миллиард манет тыр продукция. Туннэ сюро таза пудомы 381 сюрс 600 йыр. Котырысьтымы 10 улосын сюрооссылэн лыдзы усе ке, асьмелэн со туэ 4 процентлы будӥз. Со дыре ик пудо но тылобурдо сӥль 1 процентлы ичигес поттыны кутскимы — 91,3 тонна.

Дуноялоз-а азьланяз улон? Елена Миронова вераны ӧз тоды. Но пусйиз ик:
— Декабрь толэзе котькугес ик дунъёс тэтчо. Бензинлы дун уз буды ни, вылды, нош ю тысьлэсь лэсьтэм сиёнъёслы дунъёс куртчылӥськозы ик. Туэ урожай начар вал уго.

Елена Фёдорова

туспуктэмез: udmfoto.ru

Удмурт Дунне
By Удмурт Дунне 30 октября, 2012 07:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<