Дыбыр потто гракъёс но уваос

Удмурт Дунне
By Удмурт Дунне 31 октября, 2012 06:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дыбыр потто гракъёс но уваос

Тол ӧз кутскы на, нош гуртысь спортсменъёс сезонзэс мытӥзы ни. Гурт шудонъёсы пыриськон вылысь ёросъёсазы ӵошатсконъёс ортчыто.

Тужгес кужмоосыз вожвылъяськозы ас зонаосазы, вормисьёслы гинэ удалтоз вуоно арын февраль толэзе Гракын ортчоно тол ӵошатсконъёсы пыриськыны. Та вакытэ гракъёс куно пумитаны дасясько.

Туннэ нуналлы шаерысьтымы ньыль ёросын гинэ (Грак, Кияса, Сьӧлта, Сюмси) одӥг пол но Гурт шудонъёс ӧй вал на. Вуоно арысен та лыдпус одӥглы кулэсмоз. Тол шудонъёсты Гракын, гужемзэ Уваын ортчытыны чакламын. Кыказ ик ёросъёсын лэсьтӥськон ужъёс мыно. Тол шудонъёслы шуыса котькуд ёрослы куас база кузьмало ке, Гракысь шор ёзо школа борды выль спорткомплекс пуктӥзы, стадионзэс выльдӥзы.

— Куно пумитан ми понна бадӟым дан, — шуэ Грак ёрос администрациысь егитъёсын ужанъя но мугор кыдатонъя ёзэн кивалтӥсь Алексей Соломенников. — Бадӟым ужрадлы дэмен дасяськиськомы. Культура удысын ужасьёс программа кылдытон бордын тыршо, ёросмылэн данъяськонэз — Яга песянай — куно пумитаны дасяське. Нимысьтыз саклык висъяськомы спортсменъёслы. Куно пумитасьёс вань амалъёсъя ӵошатсконъёсы пыриськыны быгато бере, баскетболэн, шашкиен но шахматэн шудӥсьёсты люкамы ни. Жаляса верано, коньки вылын сылыны мылкыд карисьёс тырмыт ӧз люкаське. Ёрослэн огъя командаез 48 муртлэсь луоз.

Куд-ог ёросъёсын югдытӥськись куас сюрес лэсьто, ёрос администрацилэн йырызлэн кузьымез понна ӵошатсконъёс радъяло, нош Гракын ваньзэ зӥбытгес ортчытыны медо. Куасэн бызьылӥсьёслэн стартсы но финишсы стадионын, пе, луоз, гурезё но кыр интыоссы вань на. Та вакытэ Гракысь спортсменъёс быгатонлыкъёссэс волято командаен шудонъёсын. 10-тӥ ноябре тодмо луозы тужгес кужмоосыз баскетболистъёс, 17-тӥ ноябре кечато ӝӧк сьӧрын пумиськылозы шашкиен но шахматэн шудӥсьёс. Нош тол сезонзэс декабрьлэн кутсконаз мытыны дасясько. Арлы быдэ январь толэзе ёросазы радъяло Гурт шудонъёссэс, нош февраль толэзе куасэн бызьылонъя ӵошатско ёрос администрацилэн йырызлэн кузьымез понна.
Ортчытоно ужрадъёссы трос. Гракысь спортсменъёс сяна, вань ӵошатсконъёсы мыло-кыдо пырисько но ялан вормисьёс радэ шедё Вужгурт, Вуж Ятчи, Пуклё но мукет гуртъёсысь спортсменъёс. Алексей Соломенников нимысьтыз пусйиз куинь муртэ: Надежда Волковаез, Любовь Семаковаез но Алексей Красильниковез. Ваньзы соос полиатлонистъёс, ёрослэсь данзэ утё тол но гужем ӵошатсконъёсын.

Гракын гинэ бадӟым ужрадлы дыбыр уг дасясько, уваос но ӵаш потто. Та вакытэ выль стадион лэсьтӥське. Кызьы вераз Ува ёрос администрациысь мугорез кыдатон культурая управлениен кивалтӥсь Иван Эшмаков, шудонъёслы дасяськон радызъя мынэ. Туэ гужем Дэри черкогуртын ортчем Гурт шудонъёс дыръя уваос вань амалъёсъя ӵошатсконъёсы пыриськизы. Шар пальылонын гинэ бездытгес адскизы ке но, нырзэс ӧз оше. Табере вуоно гужемлы гижысь-пиньысь дасясько. Ас ёросазы бертэмзы бере ик спортсменъёс но кивалтӥсьёс, огазе люкаськыса, янгышъёссэс сэрттӥзы-пертчизы.
Туннэ нуналлы Ува ёросын улӥсьёс пӧлысь 20 процентлэсь ятырез спортэн эшъяське. Каргуртын улӥсьёс тросгес ярато волейболэн, футболэн, баскетболэн шудыны, нош гуртоос золгес бызьыло куасэн но пыдын. Ёрослэн командаяз, Уваысь сяна, Удугучин, Нылга, Ува-Тукля но мукет гуртъёсысь спортсменъёс кутэмын. Вуоно арын ортчоно ӵошатсконъёслы ёрослэн командаез быдэсак дась ни, пе.

 Валентина Емельянова

Удмурт Дунне
By Удмурт Дунне 31 октября, 2012 06:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<