Чебер пытьы — пыраклы

Удмурт Дунне
By Удмурт Дунне 31 октября, 2012 06:22

Чебер пытьы — пыраклы

2003-тӥ арын 6-тӥ шуркынмонэ Эгралась автовокзалын усьтӥськиз художественной галерея.
Татын ик усьтэмын вал культурая но искусствоосъя библиотека, отчы 3 сюрслэсь уно книгаос, альбомъёс но репродукциос люкаськизы.

Ар талэсь азьло галерея но интыяськиз Эгралась загслэн кыкетӥ этажаз. Та интыез калык яратэ. Нылпиос татчы ветло чеберлыкен тодматскыны но кыӵе ке киужлы дышыны. Галереялэн кивалтӥсез Елена Корепанова верамъя, таӵе инты эграослы туж яраз.

— Ми бадӟым тау шуиськом Николай Васильевичлы таӵе кузьым лэсьтэмез понна. Со та суредъёсты, альбомъёсты но книгаосты уно аръёс ӵоже люкам, пӧртэм улосъёсы но городъёсы вуылыкуз. Москваысь, Томскысь, Хабаровскысь, Новосибирскысь художникъёслэсь 600 пала картинаоссэс со милемлы воксё дунтэк сётӥз. Таӵе коллекция люкан сярысь малпан лыктэм, Удмуртие вуылыкуз. ошмесо шаерамы со ӵем пумиськылӥз кивалтӥсьёсын, артистъёсын, журналистъёсын, писательёсын но художникъёсын. Калык творчествоя юртъёсы но выставкаосы лыктыса,  одно ик маке басьтылӥз. Озьы шаерысьтымы суредасьёслэн Л. Прозоровлэн, М. Гариповлэн, Г. Векшинлэн, Р. Тагировлэн, А. Холмогоровлэн но мукетъёсызлэн ужъёссы но ми доры вуизы. Галереяямы туж трос куноос ветлӥзы ини, кылсярысь, Кун Думаысь депутат В. Шудегов, выставкаез адӟыса, пусйиз: вань удмурт интеллигенцилэсь, пе, тау шуэме потэ Николай Витруклы удмурт калыклы таӵе кузьымез понна. Узыр ужъёслы паймизы вал Новгород областьысь Старая Русса городысь Дун-чылкыт Николайлы сӥзем черклэн настоятелез Г. Косолапов но трос мукетъёсыз, — шуэ Елена Корепанова.

Галина Семёнова

Удмурт Дунне
By Удмурт Дунне 31 октября, 2012 06:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<