Улӟытэм история

Удмурт Дунне
By Удмурт Дунне 5 сентября, 2012 15:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Улӟытэм история

Пу вышкыос.

Ижысь Киужъёсъя центрын «Кам котырысь этнография» адӟытон усьтӥськиз.
Тодосчиослэн верамзыя, Кам котырысь музъем дуно пӧртэм пумо вашкала арбериосын. Гудӥськон мыныку, тодосчиосын но студентъёсын уно аръёс куспын отысь ма гинэ шедьтэмын ӧвӧл ни! Шаерысьтымы кибашлыос, вашкалаосмылэн арбериосынызы тодматскыса,  этнографиез, археологиез, искусствоведениез ӟеч-ӟеч дышетыса но эскерыса, со арбериосты выльдон борды кутскизы. Соосты тыршо, чебер, вольыт но чылкыт лэсьтэм сяна, вужзэ кадь ик, туссэс воштытэк, возьматыны.

Адӟытонэ республикаысьтымы 18 ёросъёсысь но Можга, Глаз каръёсысь киужъёсъя центръёсысь кибашлыос пыриськизы. Адӟытонэ 22 усточиослэн огезлэсь пӧртэм мукет 83 арбериоссы ваемын. Выставкае лыктэмъёс тодматскыны быгатозы сюйлэсь, туйлэсь лэсьтэм удмурт пужыосын тусьты-пуньыен, лы сынъёсын, корт тӥрлыкен, ворпо-чебер изъёслэсь чыртывесьёсын, поскесъёсын. Озьы ик адӟытонын синъёсты мальдыто вашкала пужыосын чеберъям ӵушконъёс, лякиё шобретъёс, туго ӝӧккышетъёс, удмурт дэрем-айшетъёс, ньӧрлэсь керттэм коробъёс. Уноез киужъёс быдэстэмын куыса. Бадӟым инты басьто аспӧртэмлыко мунёос. Соос лэсьтэмын куролэсь, пулэсь, етӥнлэсь, басмалэсь, пышлэсь, горд сюйлэсь. Кышноос нылпиосынызы ӵош берто арамысь. Собере син азе шеде удмурт сюан. Арган шудэмъя куноос азбарын шулдыръясько. Удмурт семьялэсь корказэ шулдыртэ мудор азь. Со чебермамын пужъятэм тӧдьы бӧзэн но мыд-мыд палтӥз удмурт пужыё ӵушконэн. Пу кровать вылэ лякиё шобрет вӧлдэмын, выж вылын — чеберъяса керттэм выж лёгет. Вӧлдэтэ ошемын нуны веттан зыбка. Гур азьын — пӧраськон тӥрлык.

Шӧдӥське, тодосчиосын но студентъёсын трос эскерон ужъёс ортчытэмын. Со бадӟым юрттэт сётоз шаеренымы тунсыкъяськисьёслы, студентъёслы, дышетӥсьёслы.
Адӟытон кыстӥськоз 18-тӥ октябрёзь.

Любовь Тихонова.

Удмурт Дунне
By Удмурт Дунне 5 сентября, 2012 15:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<