Улон сюрес

Удмурт Дунне
By Удмурт Дунне 17 сентября, 2012 16:51

Ижевск-Балезино чугун сюресэз лэсьтыны кутскем дырысен туэ 70 ар тырмиз.
Таин валче алигес Ижысь чугун сюрес вокзалын ортчиз митинг.
Быдӟым ож вакытысь та бадӟым лэсьтӥськонэз вормемзы понна ветеранъёслы тау каризы Президент А. Волков но Горький чугун сюреслэн кивалтӥсез А. Лесун.
— Та чугун сюресэз улон сюрес шуыны луэ. Война вакытэ со зол юрттӥз ожгарчиослы но  бадӟым ужез быдэстӥз: герӟаз Уралэз, Сибирез но странамылэсь уйпалзэ, луонлык сётӥз фронтэ пыӵал тӥрлык дыраз вуттыны, — шуиз А. Волков.
Ижевск-Балезино чугун сюресэз лэсьтӥзы нылкышноос, арлыдоос но нылпиос. Соос та секыт сюресэз ортчизы 1941-тӥ арысен 1945-тӥ арозь. Лэсьтӥськисьёслэсь котькуд ужан нуналзэс секытэзъя артэ пуктыны луэ, дыр, солдатъёслэн передовойын ожмаськеменызы.
Митинг бере «Буре ваён поездын» ветеранъёс Ижевск-Кекоран сюрес кузя ширтӥзы дано лэсьтӥськонэз, эшъёссэс но пинал дырзэс тодэ ваён понна.

Галина Семёнова
Удмурт Дунне
By Удмурт Дунне 17 сентября, 2012 16:51