Удмурт кыл усьтэ паськыт сюрес!

Удмурт Дунне
By Удмурт Дунне Сентябрь 26, 2012 14:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт кыл усьтэ паськыт сюрес!

А. Тутаева

Тросэзлэн нылашъёслэн но пияшъёслэн 1-тӥ куарусёнысен выль улонзы кутскиз — вузын дышетсконзэс мытӥзы.

Жаляса верано, туала егитъёсты удмурт кылэн туж ик уд гочаты. Соин ик, лэся, Удмурт кун университетысь удмурт кылтодонъя факультетын дышетскыны мылкыд карисьёс туэ 32 кузя гинэ люкаськизы.
Бен, одногруппникъёслэн котькудӥзлэн вуоно сюрессы пумысен пӧртэм малпанъёссы. Но соос пӧлысь одӥгез но уг жаля та факультетэ пыремез пумысен. Мон но талы шум гинэ потӥсько! Удмурт адями удмуртъёс пӧлын аслыз улыны, ужаны луонлык усьтэ ке — туж усто!

Удмурт студентъёс, мукетъёсыныз ӵошатыса, ваньмон дырзэс тужгес но яркыт радъяло. Кыӵе факультетысь студентъёс 1-тӥ сентябре ик, огкылысь люкаськыса, ог-огенызы тодматскыны «Перепечкин» кафее мынӥзы? Кинъёс тужгес но мыло-кыдоесь вал студентъёслы радъям оpen air ужрадын? Ми — удмурт филология факультетысь студентъёс!

Группаямы аспӧртэмлы-ко адямиос люкаськизы: ваньзы маин ке тунсыкъясько, кыӵе ке но удысын азьветлӥсь луо. Кылсярысь, Олёш Софронов, Алина Антонова, Марина Федосеева, Ренат Гафуров но уно мукетъёсыз…
Эшъёсылы сямен ик, мыным но ваньмыз тунсыко потэ: выль улон, выль шӧм, выль адямиос, эшъёс, тунсыко ужрадъёс, «Шунды» огазеяськон, «Чипчирган» ансамбль, «Неофолк» этностудия, творчество. Анай-атайлэсь мӧзмыны йыре ик уг лыкты!

Мон удмурт сямен но вераськисько, англи но венгер кылъёсты дышетӥсько. Оскисько, та кылъёсъя басьтэм тодон-валанъёсы азьланяз мыным паськытэсь луонлыкъёс усьтозы. Студент билетэ шоры учкыса, кӧты ик шурдэ: табере мон зэмос студентка! Удмурт филологияя факультетысь студентка!

Марина РОМАНОВА:
— Та факультетэз быръён сярысь трос ӧй малпаськы. Удмурт кылэз алигес дышетыны кутски бере, сое тодэмме волятэме потӥз. Капчиен мед быгатом вераськыны но, гожъяськыны но. Удмурт филологияя факультет мон понна — фин-угор калыкъёсын тодматскыны, пӧртэм кылъёсты дышетыны луонлык. Эшшо одӥг валтӥсь муг — факультетамы дышетско трос эшъёсы, тодмоосы. Удмурт кылтодонэз быръеме пумысен чик но уг жаляськы, угось милям туж кужмо, визьмо группамы!

Марина ФЕДОСЕЕВА:
— Удмурт филологияя факультетэ пырыны мон пичи дырысеным ик малпасько ни вал. Улонме угось удмурт калыктэк син азям пуктыны ик уг быгатӥськы. Тыршо дышетскемелэсь пайда поттыны, анай кылме утьыны но азинтыны.

Ирина ПЕРЕВОЗЧИКОВА:
— Удмурт кылэз мон туж яратӥсько, соин ик та факультетэз бырйи. Со сяна, татын луонлык вань пӧртэм кылъёсты дышетыны. Нош соосты дышетон улонэ бадӟым сюрес усьтэ.

Анастасия Тутаева 

Удмурт Дунне
By Удмурт Дунне Сентябрь 26, 2012 14:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<