«Удмурт дунне»… куаёме!

Удмурт Дунне
By Удмурт Дунне Сентябрь 10, 2012 11:26
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Удмурт дунне»… куаёме!

Тӥледыз котьку витё «Удмурт дуннелэн" азбараз

Коть оске, коть эн, но Выль аре адӟоды: тӥляд яратоно «Удмурт дуннеды» зэмзэ но куайыны дасяське. Но со понна вунэтоно ӧвӧл газетлы вуоно арлы гожтӥськыны.
Соку пятница нуналъёсы, 16 бам газет интые, вуоз 24 бамъемез! Сыӵе воштӥськон сярысь малпан кылдӥз тӥляд… ӝожтӥськонъёстыя. Али «Удмурт дунне» арняяз 3 пол потэ. Но меӵак вералом, дунызлы луыса, данакез гожтӥське пятницае потӥсезлы гинэ. Сыӵе учыре лыдӟись кие уг вуы данакез ивор, угось ми вторнике-средае но тунсыко материалъёс поттаськом.
Со сяна, нокызьы югдур уг тупатскы почта нуллӥсьёсын — газетэз арняяз 3 пол нуллэ туж шерез, тросаз гуртъёсы 2 пол вутто ке, ярам. Нош дун басьто ваньмыз понна! Соин ми малпамы: эсьма, шергес потом, но солы огкутскемен тросгес ивор вуттом.
Озьыен, вуоно арысен «Удмурт дунне» потоз арняяз 2 пол: вторнике но пятницае. Вторник нуналъёсы лыдӟисьёс кие вуозы 8 бамъем спецвыпускъёс: «Герд», «Берекет», «Дарт», «Ингож». Пятницае — 24 бамъем номер. Нялтас вераса, быдэс комплектлы подписка миымлэсь 40 манетлы дунтэмгес луиз. Пятницае потӥсез 30 манетлы дунояз, но со понна тӥ ӝыны ар ӵоже ватсаса 200 бам ивор басьтоды!
Ми туж оскиськом, секталамы тӥледлы мылкыддыя луоз шуыса. Ӟеч арбери кие кутымон мед луоз, шуо кадь калыкын.

Гажаса
Зинаида Рябинина, валтӥсь редактор.

Гожтӥськон ялэмын ни. Кин нырысь ик бызёз почтае — солы редакцилэсь кузьым. Возьмаськом юанъёстэс но тунсыко иворъёстэс. Гожъялэ сайтамы, электрон почтаямы яке огшоры гожтэтэн. Жингыръялэ 73-33-42, 73-33-44, 8-951-195-37-65 телефонъя.

Удмурт Дунне
By Удмурт Дунне Сентябрь 10, 2012 11:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<