Удмурт дэремлы сӥзем адӟытон усьтӥськиз

Удмурт Дунне
By Удмурт Дунне 28 сентября, 2012 11:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт дэремлы сӥзем адӟытон усьтӥськиз

Туспуктӥз Ирина Zangarik.

Толон, 27-тӥ куарусёнэ, суредан искусствоосъя музейысь нырысетӥ реставратор Татьяна Москвина «Вераме потэ. Очарование удмуртского костюма» юбилей адӟытонзэ усьтӥз. Музейлэн залъёсаз удмурт усточи улӟытэм вашкала дӥськутсэ интыяз куинь толэзьлы: XIX даурысь ӟуч дворян костюм, удмурт калык нылкышно дӥськут но Татьяна Никитичналэн аслаз киеныз вурем туала удмурт дэремъёсыз. Адӟытонэ лыктӥсь нылъёс но кышномуртъёс асьсэлы тупась дэрем-айшет бырйыны но басьтыны быгатозы.

Адӟытонэзлы усточи «Вераме потэ…» ним сётэм: 32 ар ӵоже люкам тодон-валанзэ со калык дорозь вуттыны тырше. Котькуд дӥськутлэн аслаз пуштросэз вань, шуэ Татьяна Москвина. Кылсярысь, адӟытонысь одӥг яркыт пужыё тӧдьы айшет Алнашысь ваемын. Кузёез, пудозэ нырысьсэ пастухе поттыкуз, одно ик со айшетэз керттылэм, соиз берен мед бертоз, кузёзэ мед тодмалоз шуыса.

Адӟытонэ трос калык люкаськиз, ваньмыз семья куспын кадь кадь ортчиз. Кырӟась Надежда Уткина удмурт дӥськутлы сӥзем кырӟанъёсты вань калыкез кырӟатӥз. Суредась Семен Виноградов Татьяна Никитичналы уж вайыса лыктэм – Балтаси удмуртъёслэсь йырсиоктэтсэ (коньдонэн чеберъям калэз), пе, выльысь улӟытыны но калыке поттыны кулэ. Нош тодосчи-этнограф Владимир Владыкин Татьяна Москвинаез одно ик школа кылдытыны, кивоштӥсьёс кельтыны куриз.

Ужрад мынэмъя, Дарали Лелилэн удмурт модель агентствоысьтыз егит чеберайёс потазы-возьматъязы кибашлы нылкышнолэсь улӟытэм но вурем дӥськутъёссэ. Быдэс ӝыт Ижысь «Ӟардон» ансамбльысь мыло-кыдо нылкышноос жингрес кырӟанэн вань калыкез шумпоттӥзы. Ужрадэз нуыны Татьяна Москвиналы семьяез но юрттӥськиз — кузпалыз Василий Ермолаевич но удмурт дискотекаосын диджей луыса шудӥсь Никита пиез.

 

Удмурт Дунне
By Удмурт Дунне 28 сентября, 2012 11:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<