Тунгонэз воштэ пияла син

Удмурт Дунне
By Удмурт Дунне 17 сентября, 2012 17:01
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 Таяз арняе Ижын усьтӥськизы «Кышкытлыклэсь утиськон» но «Россиысь пӧйшуран но спорт вузъёс» адӟытонъёс.
Соос сӥземын  Россилэн историезлэн арезлы. Адӟытонъёсы туэ пырисько Швейцариысь,  Россиысь 11 улосъёсысь 91 предприятие. Таӵе адӟытонъёслэн валтӥсь мугзы Россиысь но шаерысьтымы предприятиослэсь вормонъёссэс возьматон, кусып тупатон но вузъёслэсь ӟечлыксэс ӝутон, пусйиз Удмурт  Республикалэн Президентэз Александр Волков.
Нош возьматыны вал мае. Тылпу кысон но  кышкытлыклэсь утиськон техникаез учкыны-дунъяны ӵектӥзы Санкт-Петербургысь, Тольяттиысь, Москваысь но Ижысь огазеяськонъёс. Нырысьсэ та выставкаын возьматэмын спасательёслы тупась противогаз (Пермь), ӝуасьтэм но куараез лэзисьтэм ӧсъёс (Ижевск),  «Кучыран син» оптика прицелъёс (Москва область) но трос мукетыз.
«Ижмаш» огазеяськонлэн сэрегез дорысь калык ӧз бырылы. Татчы 30 пумо пыӵал тӥрлык ваемын. Адямиослы тунсыко потӥзы  «Сайга-12», «Сайга-9» карабинъёс.
Ижысь радиозаводысь валтӥсь конструктор Эдуард Исаев ушъяськиз радиотулкымъёс вылын ужась «Радиус» комплексэн. Вераськон мынэ «Лира» радиоприёмник сярысь.  Тросаз колхозъёсын предлэсь  нуналлы наряд сётэмзэ гуртоос отысь кыло. Та комплекс юрттыны быгатэ кышкыт учыръёс дыръя адямиослы ивор сётыны но.
— Озьы ик «Кон­тур» видеокамераос лэсь­тӥсь­ком. Табере  предприятиосысь охранникъёс, котькуд ӧсысь тунгонэз кыскаса, уг ветло ини, монитор азьын пуко. Соос понна ваньзэ синйылтэ таӵе камера. Малпасько, гуртъёсысь фермаосын но таӵе тӥрлык луоз ини, — шуэ Эдуард Петрович.
Куинетӥзэ та адӟытонэ пырисько ини Свердловск улосысь Качканар городысь вуриськисьёс. «Фаворит» компаниын ужась  Наталья Потапова таӵе ужрадлэсь пайдазэ нырысетӥ выставкаын ик валаз.
— Та выставкаез ми туж возьмаськом, малы ке шуоно вузъёсмы туж ӟеч кошко. Кылем арын вань мылкыд карисьёслы соос ӧз но тырме. Ми чорыганы, пӧйшураны но инкуазьын шутэтскыны тупась дӥськут-пыдкук поттӥськом. Арысь аре Удмуртиысь басьяськисьёсмы йыло. Сое ми герӟаськом рекламалэн, таӵе адӟытонъёслэн пайдаенызы. Кинъёс милесьтым вузмес огпол басьто, кыкетӥзэ но татчы ик лыкто ини, эшъёссылы но дэмлало, — шуэ Наталья Потапова.
Та адӟытон чотын ик толон  Удмуртиысь 6575 номеро воинской частьын ыбылӥськон ортчиз. Мылкыд карисьёс асьсэос дунъяны быгатӥзы «Ижмашын», Ижысь механикая заводын, «РусОптикСис­тем» предприятиын поттэм пыӵалъёслэсь но прицелъёслэсь ӟечлыксэс.

Удмурт Дунне
By Удмурт Дунне 17 сентября, 2012 17:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<