Кызьы шока — озьы гожъя

Удмурт Дунне
By Удмурт Дунне Сентябрь 19, 2012 21:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кызьы шока — озьы гожъя

Туспуктӥз Лена Коробейникова.

Ижын арлэсь кема ини, бадӟым вис карытэк, кылбур лыдӟонъёс ортчыло. Радъясезлэн, егит кылбурчилэн Андрей Гоголевлэн, верамезъя, солы, пе, уг кельшы ужрадэз кылбур ӝытэн нимало ке: отысь, нафталин зын потэ, соин ик сое со «Брезент кеттык» («Брезентовая цапля») эрико лыдӟонъёс шуэ.

Пумиськонъёсы егитэз но мӧйыез лыктэ. Татын кылбур лыдӟо но улэп крезьгур шудо. «Брезент кеттыкысь» пумиталод «Путешествие дилетантов в русскую словесность» литературной ӝытъёсты радъясь группаез, «Луч» литературной журналлэсь валтӥсь редакторзэ, филология факультетысь нылъёсты, пенсионеръёсты но ваньзэ, кин дунъя сюлмысь верам кылэз.

«Брезент кеттык» лыдӟонъёсты ортчытон бордын Андрей тырше Руслан Муратов эшеныз. Кыкназы но соос Можгаысь, али уло но ужало Ижын. Куинь ар ини соос нырысь Можгаын, собере Ижын та пумиськонъёсы ӟеч кылбурез но крезьгурез дунъясьёсты ӧтё.

Андрей Гоголевлы 22 арес, дышетске Москваысь Горький нимо литература институтын. Верамезъя, кылбураны кутскиз 7 аресысен. Кызьы ке шока — озьы ик гожъя. Вить сюлэсь ятыр текстъёсыз Интернетэ интыямын.
— Мыным озьы кыл-буръёсме возьыны кап-чигес, — шуэ со, — ваньмыз ки улам.

Гожъямъёсаз синучконын выллем возь-матӥсько адямилэн но улон-вылонмылэн сӧриськем палъёсыз:

Ми вордӥським буртчин  кадесь,
Гынӟим, пакля кадь   луимы.
Ми, Шолохов сярысь номыр но кылытэк,
Пуктӥськомы спектакльмес.
Татын кулэ вал юаны: озьы-а вал?
Нош вераськом: шат ӧй вал озьы?..

— Тодӥськод-а, кыӵе мынам вӧсяськон кылы? — Одӥг кылзэ но медам кельты шуыса, Андрей, рюкзаказ бугыръяськыса, кагаз поттэ но Лев Толстойлэсь «Егитъёслы гожтэтсэ» лыдӟе: — Асьтэлы гинэ оскелэ, лэсьтэ сюлэмды куремъя, эн кышкалэ, малпанъёсты мукет адямиослэн мал-панэнызы уг тупало шуыса.
Нош Андрейлэн сюлэмезлы ярамон уж — кылбуран, туала улон сярысь кышкатэк шара вераськон. Лыдӟиськонъёсты ортчытон Андрей понна котьку нырысетӥ интыын.

— «Брезент кеттык» — улонэлэн люкетэз, мынам оглюкетэ, сотэк мар карыны уг валаськы, — шуэ Андрей.
Со интыяз уг пукы, весь сюрес вылын, сое ӧтьыло мукет каръёсы — Петербургысь, Мускоысь, Кузонысь кылбурчиос но поэзиез яратӥсь муртъёс. Таяз гужем ветлӥз Анапае, нылпи мунё театрын шудӥз. Мон отын артист но, администратор но, кассир но луыса ужай, шуэ кылбурчи.

Андрей пыриське удмурт ужрадъёсы. Кузебай Гердлэн бырон нуналэзлы сӥзем кылбур ӝытэз нуиз, удмурт кылбурчилы сӥзьыса, кылбуръёс но аудиоспектакль гожтӥз.

Вотэсын Андрейлэн «Тюрагай» нимын аудио-веранъёсыз вань. Эшеныз Антон Копыловен ӵош, куаразэс воштыса, соос Андрейлэсь сатира кыл-буръёссэ лыдӟо. «Тюрагайёс» удмурт кырӟанъёслэсь текстъёссэс уд-мурт кылын лыдӟо, ӟуч кылэ берыктыса, верало. Та удмурт кырӟанъёсты берыктон амал уг возьматы шат городысь муртъёслэсь удмурт кыл но культура шоры учконзэс: соос понна со укыр кыдёкын, экзотика кадь. Но соиз понна асьмеос, удмуртъёс ик, янгыш, валамон.

«Брезент кеттык» лыдӟонъёслэн асьсэлэн кылбур лыдӟисьёссы но кылзӥсьёссы, крезьгурчиоссы, соос ортчыло я «Грифон» галереяын, я Некрасов нимо лыдӟиськонниын. Татын усьтӥсько выль нимъёс, тодмо луизы ини кылбурчиос Александр Митряков, Мария Абих но Татьяна Репина, видеоарт кылдытӥсь Иван Константинов, «Туловище таксы» но «Los Cocodrilos» крезьгуро группаос. Озьы кылдэ туала егитъёслэн туала лулчеберет улонзы, со зэмзэ ик чебер но тунсыко.

Лариса Дмитриева

Тӧдьы писпу | сьӧд зарезь 
Андрей Гоголев

Сьӧд зарезь сюресме вандэ
Нуналлы кӧня ке пол, эшшо уйин но.
Котькуд тулкымыныз вазе: кошкы, эн йӧтӥськы,
Нош пионер кырӟанъёс солэсь кужмогес кылӥсько.

Абхазъёс шашлыкенызы чылкыт инмез шумесь каро,
Шумесь туристъёсыз шашлыкенызы сюдыса,
Оло, мон вал, оло ӧй вал,
Мон ӧй вал курорт корабльын. Тыр маршрут автобусын.

Куттэмпыд, котмем, мычиськымтэ.
Я трусике, я буш кисые кыллы пырыса,
Пирс пуктӥське, нош шунды шорын изъёс пыжо.
Дас тямысэтӥ глава. Шутэтскон но ужан куспын луэм роман.

Кыкназы мар ке катанчи сьӧры нуллӥзы,
Соос ог-огзлэн синмазы учкыны кышказы,
Нош такса пуныос но аракы ӟичыос
Ӟенеликез сямен усьтӥзы соослэсь куараоссэс.

Кизилиос вырӟизы, оло, лобӟизы но,
Таксистъёс радиохед кырӟанэз кырӟазы,
Ог-огзылы ваньзэ веразы,
Собере ярдуре вамыштӥзы но, зарезь пыдберзэс ньылӥз.

Романэз мон ӧй быдты, ӝыныё юи.
Табере пыд улын город, асфальт, бадӟым музъем,
Заводэ кошкисько, пионеръёсыз куараеным вормыса,
Зарезь мон понна я вӧсяське, я анай доры келя.

Шудо луон понна трос кулэ ӧвӧл,
Зэмзэ вераса, номыр но кулэ ӧвӧл.
Сьӧд зарезь сюресме вандӥз,
Перрон дорысь кошкиз, бӧрдӥз,

Тулкыменыз шоназ буш кылем вокзалысен,
Сылалзэ кисьтаз пияла вылэ.
Соос вал кыкназы.
Нылмурт шуиз: мон яратӥ, ноку шудэ ӧй вал.

Удмурт Дунне
By Удмурт Дунне Сентябрь 19, 2012 21:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<