Споръяськыса малпан азинске

Удмурт Дунне
By Удмурт Дунне Сентябрь 28, 2012 11:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Споръяськыса малпан азинске

Туспуктӥз Мария Золотарёва.

«Удмуртлык» огазеяськон куинетӥ ползэ «Грифон» галереяын «Куаретон» дебатъёс ортчытӥз. 26-тӥ куарусёнэ ужрад аспӧртэмлыко дасямын вал — судын ортчись заседание выллем. Скамья вылын «Мынам Удмуртия» телерадиокомпанияысь удмурт журналистъёс Сергей Касаткин, Светлана Кибардина, Павел Поздеев пукизы.

Соослэсь кылзэс юазы, телекомпанилэн калыкез валтыны быгатымтэез но кылӟиськись-учкисьёслэсь куронъёссэс гинэ быдэсъяса улэмзы понна. Та ужпумез пуктэм бере, вераськон практической ӧре выжиз: туала нуналын телекомпанилэн ужамезлы дунъет сётӥзы, бускельёсын ӵошатӥзы. Режиссёр Павел Поздеев Марий Эллэн радио сярысь тунсыко вераз. Отысь радиолэн тыршеменыз сэрен азинске туала пор эстрада, мари кырӟасьёс араз кӧня ке пол дас вить сюрс калыкен стадион люканы быгато. Нош «Мынам Удмуртие» радиоысь звукорежиссер эфире пуктон понна ӟеч крезьгур шедьтыны, пе, шугъяське. Бадӟым шугъяськон, пе, кылдэ туала вакытэ авторъёслэсь правоосэ тӥянлэсь утиськонъя. Соин интернетын вӧлмем троссэ тунсыко ремиксъёсты эфире пуктыны уг яра.

Телекомпаниысь журналистъёслэн пельпумазы трос уж усе – соос радиоын но, телевидение понна но передачаос дасяло. Кылсярысь, ӵемысь ӵукна вить часлы уже мыныса, тямыслы гинэ доразы вуо. Нош егит журналистъёсын татын ляб ужало. Ӵошатоно ке, «Адам» радиоын ведущий луон понна куинь толэзь пыр-поч дышетскыны кулэ, собере гинэ егит муртэз эфире лэзё.

Калык азьын споръяськонлы сӥзем ужрад тунсыко пӧрмиз, азинскон понна выль малпанъёс кылдӥзы. Кылсярысь, телестудие журналистика факультетысь дышетскисьёсты ӧтьыса, ток-шоу дасяны луэ. Озьы, пе, экономикаез, лулчеберетэз но туала улонысь пӧртэм ужпумъёсты валась экспертъёсты будэтыны луоз. Мукетыз ӵектон: азинскон понна удмурт журналистикаын, педагогикаын но мукет удысъёсын тыршись муртъёслы проектъёс бордын огазе кариськыса ужано.

 

Удмурт Дунне
By Удмурт Дунне Сентябрь 28, 2012 11:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<