Кин вормиз бен? «Бен!»

Удмурт Дунне
By Удмурт Дунне 18 сентября, 2012 16:01

Кин вормиз бен?  «Бен!»

«Бенъёслэн» но «Бонъёслэн» џошатсконазы туэ вормизы уйпалъёс.

15-тӥ куарусёнэ вазь ӵукна ик Ижысь «Динамо» стадионын уйпал но лымшор удмуртъёс футболын кужымзэс мертазы.
Шудонэ пыриськизы Правительствоысь удмурт кивалтӥсьёс но — нациосын ужан политикая министр Владимир Завалин,  егитъёсын ужанъя министр Владимир Соловьёв, мугорез кыдатон культурая, спортъя но туризмъя министрлэн воштӥсез Валерий Мусалимов.
Матч ортчиз  Нациосын ужан политикая министерстволэн но Эшъяськон юртлэн  Кужымлы но лулпушлы сӥзем элькун фестивальзылэн люкетэз луыса.
Шудон туж пӧсь мынӥз, одӥг командалэн но сётӥськемез ӧз поты. Но ӵошатсконын кин ке но вормисе потэ. Туэ лымшор «Бонъёслы» ӧз удалты.  Вормизы уйпал «Бенъёс» 4:1 лыдэн.
Ӵошатсконэз радъяз удмурт ужрадъёсты ортчытъянъя «Зарни перепеч» центр. Солэн кивалтӥсьёсыз Роман Дементьев но Семён Семёнов уйпал командаын шудӥзы бере, уйпалъёсты «Бен» гожтэм футболкаен дӥсяны сюлмаськиллям.
Радъясьёслы таӵе шудонъёсты ортчытыны кельшиз, табере соос малпало лымшор но уйпал удмуртъёсыз пейнтболэ ӧтьыны.

Удмурт Дунне
By Удмурт Дунне 18 сентября, 2012 16:01