Бӧдёно — йӧно бурдо

Удмурт Дунне
By Удмурт Дунне Сентябрь 5, 2012 11:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Бӧдёно — йӧно бурдо

Бӧдёноос уло огшоры четлыкын.

Бӧдёнопуз, курегпузэн ӵошатыса, трослы пайдаёгес, пе. Мар бордын соослэн пӧртэмлыксы?
В. Касаткина,
Ижын улӥсь.

Белок, кӧйёс но углеводъёс бӧдёнолэн но куреглэн кукейёсазы одӥг мындагес. Нош калориезъя нырысетӥез кӧнялы ке узыргес — 100 граммын 160 пала килокалориез. Минерал ватсэтъёс сярысь ке верано, бӧдёнопузын магниез 3 поллы тросгес. Со  туж кулэ лулсэръёсты юнматыны, юрттэ вирзӥбетэз пичиятыны.
Курегпузэн ӵошатыса, бӧдёнопузын 28 процентлы тросгес кортъёсыз. Таиз умоятэ вир ветлонэз, клеткаослэн вошъяськоназы пыриське, будыны юрттэ. Та ласянь артэ сылэ сӥль сиёнъёсын  (скал сӥль, мус), куд-ог кеньыръёсын но бакча сиёнъёсын (фасоль, кӧжы но мукет).
Вить поллы тросгес калиез но фосфорез. Кызьы тодӥськом, фосфор кужым пыӵатыны юрттэ, лыосты юнматэ. Та ватсэт туж кулэ йырвизез ужатыны. Нош калий сюлэмлы но пекляослы юрттэ. Бӧдёнопузын озьы ик уногес ыргонэз но кобальтэз. Таосыз ватсэтъёс кортэз сылмытонэ пырисько.
Витаминъёс ласянь но пичи бурдо трослы ортче курегез. Кукейзы узыр А, В1, В2 витаминъёсын но фолий кислотаен. Аминокислотаос ласянь но со трослы пайдаёгес. Кылсярысь, кукеез уродмемлэсь уте  лизоцим, комнатаын возьыса но, со  кема уг изъянмы.
Бӧдёнопузлэн сьӧмыз но пайдаё.  Отын трос кальциез, кудӥз капчиен сылме мугорын. Сьӧмаз озьы ик трос таӵе ватсэтъёс: ыргон, фтор, корт, марганец, молибден, фосфор, сера, кремний но мукетъёсыз — ваньмыз 27 ватсэт.
Бӧдёно кукей нюръяськыны юрттэ  бактериосын но пыктосъёсын, иммунитетэз юнматэ. Та сиён туж пайдаё, анемиез, пневмониез, астмаез, туберкулёзэз, радиация улэ шедем бервылъёсты  эмъяку. Сое сиыны џекто нылпи ваёно анайёслы, покчиослы но быдэ вуымтэ пиналъёслы, тазалыклы изъян вайись но керӟегъяськытӥсь ужын тыршисьёслы.
Пусйымон соиз: мугорзы пӧсь улэмен, бӧдёноос паласькись висёнъёслы уг сётско. Соослы уколъёс, антибиотикъёс, эмъюмъёс кулэ ӧвӧл, соин валче мугоразы но кукейёсазы нокыӵе мултэс ватсэтъёс уг люкасько. Сальмонеллёз висён шедьтонлэсь но кышканэз ӧвӧл. Та чер векчи пасё сьӧм но со улысь дыж пыртӥ кукей пушкы пырыны уг быгаты.
Курегпузлэсь пиналъёслы но арлыдоослы аллергия кылдыны быгатэ ке, бӧдёнопуз та ласянь нокыџе кышкытлык уг вайы. Эмъяськон понна сое ыльын сиыны  луэ. Школае ветлӥсьтэм покчиослы врачъёс дэмлало нуналаз 1 кукей сиыны, 14 арескозь нылпиослы — 2, арлыдоослы — 5-6 кукей.
Бӧдёнопуз котыр ласянь пайдаё ке но, курегпузлэсь куштӥськыны уг яра — со но пайдаё но ӟечлыко сиён.

Екатерина Михеева,
пудо эмъян наукаосъя кандидат

Удмурт Дунне
By Удмурт Дунне Сентябрь 5, 2012 11:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<