Удмурт лулчеберетэз вӧлмытон бордын тыршиз

Удмурт Дунне
By Удмурт Дунне 10 августа, 2012 14:52
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

75 арессэ тырмытыса улонысь кошкиз профессор Николай  Васильевич Витрук, юридической тодосъя доктор, Удмурт Республикаысь культура удысысь дано ужась. Николай Васильевич вордскемезъя ӟуч, вань сюлмысьтыз яратӥз удмурт калык лулчеберетэз, сое вӧлмытон бордын кужмо тыршиз.

Тодосчилэн коллекцияз А. П. Холмогоровлэн, Р. К. Тагировлэн, Г. Е. Векшинлэн, С. Н. Виноградовлэн, П. В. Елкинлэн но мукет удмурт суредаськисьёслэн ужъёсыз люкамын. Аслэсьтыз бадӟым коллекцизэ Н.В. Витрук Эгра ёросэ кузьмаз но Эграын художественной галерея  кылдытыны кичӧлтон сётиз. Со художественной адӟытонъёс радъяз, суредасьёслэн творчествозы сярысь очеркъёс гожъяз.

Николай Васильевичлэн тыршеменыз С. А. Есенинлэн, Н. А. Некрасовлэн, А. С. Пушкинлэн, М. Ю. Лермонтовлэн  удмурт кылэ берыктэм кылбуръёсыныз бичет серия потӥз. Тодосчи В. Г. Короленколэсь Мултан уж дыръя удмуртъёс понна дурбасьтэмез сярысь туала нунал ласянь эскерыса  «В. Г. Короленко — писатель и правозащитник» (Ижевск: Удмуртия, 2003) уж печатлаз.

Удмурт лулчеберетэз котыр ласянь азинтон понна Николай Васильевич Мускоын Удмурт лулчеберетъя независимой центр усьтӥз. Н. В. Витрук – зэмзэ ик просветитель но меценат, 2004-тӥ арын Трокай Борисов нимо йӧскалык премилэн лауреатэз луиз.

Удмурт Дунне
By Удмурт Дунне 10 августа, 2012 14:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<