Макс Верёвкин: чеберлык калык доры ачиз лыктэ

Удмурт Дунне
By Удмурт Дунне Август 20, 2012 17:29

Макс Верёвкин: чеберлык калык доры ачиз лыктэ

Суредасьёс Сергей Орлов но Макс Веревкин

Ижкарлэн Шор площадяз, адӟытонъёсын «Галерея» центр дорысь сьӧросын толло нуналысен ужаны кутскиз адӟытон – аслэсьтыз ужъёссэ возьматэ тодмо суредась-этнофутурист Сергей Орлов. Адӟытон 4 толэзь кыстӥськоз.

Таӵе малпан нырысь ик лыктӥз тодмо арт-суредасьлы Макс Верёвкинлы. Чеберлыко интылы пӧрмем туалетын котькуд адями, 10 манет тырыса, сьӧросэ  потан сяменыз вылӥ искусствоен но тодматскоз.

Сергей Орловлэн малпамезъя, тунсыко ӵошатыны педлопотан культураез но музее ветлонлэсь культуразэ. Соос серекъяло, туалетэ, пе, калык тросгес мед ветлоз.

Ижлэн сити-менеджерезлы Д. Агашинлы та идея туж кельшиз. Эшшо ик суредаськисьёслы выль мастерскойёс сётыны мылкыд кариз. — Но та ӧвӧл политической акция, — шуэ Сергей Орлов, — та нырысь ик чеберлыко вамыш. Эшшо мукетыз малпанэ — адями мугорлэн котькыӵе кулэяськонэз лулыз сямен ик дуно. Чеберлыкез калыклы матэгес карем потэ, малы ке шуоно сьӧросэ адями ӵемгес пыра, музее ветлэменыз ӵошатыса. Кышкано ӧвӧл, суред саптаськоз яке сое лушкалозы шуыса. Картинаез саптаны уг луы: вакыт, пе, ачиз художниклэсь ужзэ быдэстэ — суред вылэ эшшо марзэ ке аслэсьтыззэ пыртэ. Нош лушканы зэмзэ ик шуг — туалетэ пырон азьын нылкышно билетер возьмаськыса пуке.

— Пиослэн но нылъёслэн сэрегъёсысьтызы суредъёс интыенызы вошъяськозы – картинаос весь огинтыязы уз улэ, — шуиз Макс Веревкин. — Соин 4 толэзь куспын картинаос быдэс залэз котыртозы.

Тӥни сыӵе туала искусство – эгесъёс сьӧры потэ, эрико луэ. Суредась, шуэ Макс Верёвкин, дуннелэсь вылэгес  ӝутӥськыса, ваньзэ адӟе-шӧдэ, сое огшоры адями, оло, уз но вала. Соин ик суредасьлэн ужез — адӟемзэ котькуд адями доры вуттоно. Туала суредась котьмае уже кутыны быгатэ чеберлыко суред, образ кылдытон понна.  Чеберлыкез возьматыны луэ чик малпамтэ  интыос пыр но.

Сергей Орловлэн но Макс Верёвкинлэн малпамзыя, таӵе адӟытон  быдэс Ижтӥ ортчыны кулэ — кинотеатръёстӥ, вокзалъёстӥ но мукет интыостӥ, кытчы калыклэн синмыз усе. Пурысь борддоръёс мед улӟозы.

Удмурт Дунне
By Удмурт Дунне Август 20, 2012 17:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<