Юзматӥсь емышъёс

Удмурт Дунне
By Удмурт Дунне 14 августа, 2012 17:22

Та вакытэ пӧртэм емышъёс кисьмало. Дэмласьком тӥледлы сюэз юзматӥсь сиён-юонъёс лэсьтыны.   

Чечыё чечым
Кулэ: ӝыны стакан чечы, 50 грамм сакыр, 2 пуньы лимон сок, 3 гвоздика, 8 груша, 4 пичи апельсин, 1 лимон, зын турын (мята).
Бадӟым кастрюляын сурано чечы, сакыр, лимон сок, гвоздика но 4 стакан ву. Вылаз ватсано сузям груша. Пичи тыл вылын 15 минут пӧзьтоно но грушаоссэ тусьтые октоно. Со вуын ик сузям апельсинъёсты 5 минут пӧзьтоно но груша вылэ тусьтые ӝутоно. Кастрюляе кылем вуэз эшшо 5 минут пӧзьтыса, тусьтыысь емышъёс вылэ кисьтоно. 3 часлы кезьытэ интыяно, ӝӧк вылэ пуктыку, вылаз лимон юдэсъёс но зын турын куаръёс будэтоно. Дасям емышъёсты банкаосы но тырыны луоз.

Сакыртэм компот
Сакыртэк но толлы компот дасяны луэ. Чырс улмолэсь пушсэ сузяса (кӧмыз векчи ке, озьы ик кельтоно), векчи юдоно но сылал вуэ (1 литр вулы 1 пуньы сылал) 5-7 минутлы котоно. Бӧрысь соосты быректэм вуэ кӧня ке минутлы веттылыса, кезьыт вуэ пононо. Парыса дасям банкаосы ӝыныезлэсь ятырен тыроно но пӧсь ву ватсано. Та банкаосты пӧзьтоно на вуэн мискаын: 1 литръемзэ — 10-12 минут, 2 литръемзэ — 15-18 минут, 3 литръемзэ — 20-25 минут. Пӧсь банкаосты пытсэтэн ворсаса, кезьытэ интыяно. Бӧрысь та улмолэсь компот лэсьтыны яке ческыт пирожки пӧраны быгатоды. Чырс улмолэсь шӧмзэ ческытгес карон вылысь горд- яке сьӧдпалэзь, кӧня ке гвоздика но  ческыт пӧсьтурын ватсаны луоз.

Крыжовник но апельсин
3 литр банкалы кулэ: 1 апельсин, 2 стакан крыжовник, 300 грамм сакыр но 2 литр ву.
Парыса дасям банкаосы тыроно: миськем крыжовникез, апельсинэз, сое кӧмыныз ик питырес вандылыса. Банкае тырем емышъёс вылэ пӧсь сироп кисьтыса, кезьыт интые пуктоно.

Кабачоклэсь пунем
Кулэ: 1 кабачок, 2 литр ву, 3 стакан сакыр, 3 кӧжы гвоздика, ӝыны чечы пуньы уксус эссенция.
Кабачоклэсь кӧмзэ но шорзэ сузяса, пичи кубикъёслы юдоно. Вуэн кастрюляе поныса, небӟытозяз пӧзьтоно. Вуэз быриз ке, сакыр, гвоздика но уксус ватсаса, тыл вылысь басьтоно. Дась суретэз банкаосы тырыса, эшшо 10 минут пӧзьтоно на вуэн мискаын.

Пызьыртэм каун
Кулэ: 1 кило каун (тыква), 100 грамм сакыр, ӝыны чечы пуньы лимон кислота, 1 апельсин.
Каунэз сузяса юдоно но мискае тыроно. Ву поныса, пӧзьтоно. Небӟем каунэз блендерен шуккыса, вылаз апельсин сок, лимон кислота но сакыр ватсаса, эшшо 10 минут пӧзьтоно. Пӧсь суретэз парыса дасям банкаосы тыроно, кортэн ӵоктано но шобыртоно.

Валентина Емельянова.

Удмурт Дунне
By Удмурт Дунне 14 августа, 2012 17:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<