Тол бабай вуиз!

Удмурт Дунне
By Удмурт Дунне 10 августа, 2012 12:52

Тол бабай вуиз!

Ижысь 77 номеро нылпи садэ вуиз Тол бабай. Кыз котырын берганы ӧз малпа — садысь вань покчиосты ульчае ӧтиз. Тэшкылиосын ӵош тушо пересь ужлы ӧз ёрмы — ваньзы вуэн пазяськизы но пыласькизы.
Шоркарысь нылпи садъёс гужем выльдӥсько, тупатъясько. Соин валче пиналъёс  дышем интызэс воштоно луыло, мукет учреждение ветло.
— Выль интылы дышыны медаз шугъяське шуыса, арнялы быдэ кӧня ке пӧртэм ужрадъёс ортчытъяськом, — шуэ 77 номеро садлэн кивалтӥсез Ольга Коренева. — Шулдыръяськонъёсты юромо кырын радъяськом. Татын шунды но, чылкыт омыр но. Тол бубаен ӵош вуэн пазяськонлэн но пайдаез вань.
Таӵе ужрадъёсты малпало садын ужась воспитательёс, физкультурая инструктор но крезьгуръя ужась. Палэнысь Тол бабай но утчаса ӧз улэ. Туш думиз но вылаз шуба дӥсяз валтӥсь воспитатель Анна Гостева:
—  Нырысь ик адӟемзы бере нылпиослэн тусъёссы воштӥськизы.  Шунды пыже, пӧсяй. Со понна тэшкылиос ортчыт шумпотӥзы, вуэн пазязы, ява.
Елена Скворцова.

Удмурт Дунне
By Удмурт Дунне 10 августа, 2012 12:52