Сям-Каксиысь пиналъёс гуртазы дышетскозы

Удмурт Дунне
By Удмурт Дунне 10 августа, 2012 09:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Школа ӝутыны кутскозы Алнаш ёросысь Сям-Каксиын но. Гуртысь нылпиос дышетско вуж юртъёсын. Огез пуктэмын 1913-тӥ арын, вылезгес — 1960-тӥ арын. Таослы матын ик пу юртын интыяськемын нылпи сад.
Толалтэ сям-каксиос доры вуылӥз Президент Александр Волков. Соку гуртоос кивалтӥсьлы асьсэлэсь мылкыдъёссэс веразы. Луэ вал одӥг юртэ герӟаны клубез, школаез, библиотекаез. Калыклы кельшиз мукетыз ӵектон — огъя липет улэ пуктыны школа но нылпи сад. Сям-каксиос куризы 9 классъем школа, пиналъёсты, пе, 15 иськеме мукет гуртэ нуллоно медаз луы.
Таяз арняе Президент доры резиденцие вуылӥзы Алнаш ёросысь кивалтӥсьёс, Лэсьтӥськонъя, архитектурая но улон инты политикая, Дышетонъя но наукая министерствоосысь специалистъёс. Оглом кенешизы выль проект пумысен. Александр Волков куриз лэсьтӥськонэз паськытатыны. Озьы проектлэн быдӟалаез 72 квадрат метрлы бадӟымгес луоз. Со чотын эркынгес луозы нылпи садысь шудон но изён висъетъёс, йылозы школаысь кабинетъёс. Школа-садын ог 75 пиналлы инты кылдоз.
Матысь дыре лэсьтӥсь­кисьёс уж борды бась­тӥськозы, туэ школалэн фундаментэз рос-прос кисьтэмын луоз.

Удмурт Дунне
By Удмурт Дунне 10 августа, 2012 09:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<