Кисыям карандаш нуллӥсько

Удмурт Дунне
By Удмурт Дунне Август 8, 2012 16:52

Вордӥськи Дэри ёросысь Мешер гуртын.  Гожъяськон мылкыды кылдӥз 5-тӥ классын.
Соку ик ӟуч сямен  нырысетӥ кылбур малпай. Та сярысь ачим вунэтӥ ни вал, атае утялтыса кельтэм. Нош удмурт кылын гожъяськыны кутски 2009-тӥ арын.
Туж йыры висе ке, кылбур гожтӥсько, собере капчигес луэ, ява. Соин ик кисыям карандаш нуллӥсько. Азьло туж трос лыдӟиськисько вал, табере пужъятскисько. Пужы пуктыку, йыре олома но лыктэ, соку ик выль чуръёсы но кылдо.

Сюлмам чылкыт малпанэ
Шунды ӝужа, шунды                         пуксе,
Вылез нунал вордӥське.
Пилем сьӧры шунды
ватске,
Со пилем кадь — улонэ.
Гуждорысь чилясь
лысву кадь
Бам вылам усе синву.
Но вылез тулыс вуэ но,
Мылкыды капчи луэ.
Садын кырӟась
уӵылэн кадь,
Мынам сюлмам кырӟанэ
Векчи куак пӧлысь
ошмес кадь
Йырам сайкыт малпанэ.
Тулыс кошкись                       тудву кадь ик
Дыртэ-лобӟе пинал дыр.
Нунал бӧрсьы
даур ортче.
Озьы со гожтэмын, дыр.

Валентина Корняева.

Удмурт Дунне
By Удмурт Дунне Август 8, 2012 16:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<