Выль мылкыдын юмшаломы Вильын!

Удмурт Дунне
By Удмурт Дунне 1 августа, 2012 09:51

Выль мылкыдын  юмшаломы Вильын!

Кызьпу арамаын шулдыръяськонын мӧзмыны маза уз луы.

Ижысь Виль шулдыръяськонлы туэ 10 ар тырме. Ӵапак тамында пол сое городын радъялляз ни «Дэмен» огазеяськон. Ӵуказе Кызьпу арамаын ортчоно пичи юбилей мӧзмыт уз луы. Кутскоз со 18 часын.

Тамында аръёс ӵоже городысь калыкез огазе люканы быгатэмзылы «Дэмен» огазеяськонлэн кивалтӥсез Андрей Ураськин туж шумпотэ. Нырысь-валысь вӧсяно ӝуксэс 150-200 адямилы сяна ӧз пӧраллялэ. Ижысь удмуртъёсты уго шуггес вал Виль пала берыктыны. Туэ сое пӧзьтозы ни 2 сюрс адямилы тырмымон. Котькуд лыктэм мурт вӧсям ӝукез веръяны быгатоз. Котькудӥз мед быгатоз быгыльскем емыш понна Инмарлы тау карыны. Нош пуртыос котырын ӵуказе бергалозы «Перепеч.кин» эшъёс — уноезлы тодмо ческыт перепеч пыжыны быгатэменызы но шуныт кафеенызы. Вӧсясьёсты вуттозы Алнаш ёросысь Кузёбай гуртысь. Ӵапак татын уло на вашкала сям-йылолъёсты утись воргоронъёс.

Егит калыкез бордазы кыскон вылысь ужрадэз шулдыртыны ӧтемын кырӟасьёс: Алексей Ложкин, Дмитрий Загребин, Ullapala Boy. Сцена вылэ потозы Удмуртиысь калык артистъёс Анна Плотникова но Геннадий Ганьков. Радъямын луоз шар пальылонэн (лапта) шудон. Быръёзы тужгес аспӧртэм бакча сиёнэз. Котькудӥзлэсь кузёзэ кузьымен пусъёзы. Кин ке, оло, будосэзлы кылбур я верос сӥзем — созэ эшшо золгес дунъялозы. Озьыен, асьтэдыз сяна, бакча емышъёстэс но выль капчи мылкыддэс сьӧрады кутыны эн вунэтэ! Ужрад кыстӥськоз 22 часозь.

Елена Фёдорова.

Удмурт Дунне
By Удмурт Дунне 1 августа, 2012 09:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<