Вожвылъяськон ӟырдыт луоз

Удмурт Дунне
By Удмурт Дунне Август 3, 2012 11:01

Туэ сӥзьыл куспазы вожвылъяськозы Кун Кенеше депутатэ кандидатъёс. Удмурт парламентлэн витетӥ ӧтчамаз 90 муртлы гинэ (берлояз созывын 100 депутат вал) мандат басьтыны кылдоз.
«Огъя Россия» партилэн но Россиысь калык фронтлэн радъёсаз куара сётон мынӥз пӧсьтолэзь ӵоже — 9-тӥ июльысен 26-тӥ июлёзь. Кандидатъёсын пумиськылыны 57 инты чакламын вал. Кун Кенеше шедён мылкыдзэ вераз 351 кандидат. Таос понна куаразэс сётыны быгатӥзы уполномоченнойёс — соос оглом 9 сюрс 812 мурт быръемын.
Депутатэ кандидатъёс пӧлысь 229 мурт сюлмаськиз партилэн списоказ шедён понна. Нош 119 кандидат кужымзэ мертаз одӥг мандатъем округъёсын. Эшшо куинь мурт — Президент Александр Волков, «Зура» агрохолдинглэн кивалтӥсез Елена Чиркова, «Аксион-холдинг» заводлэн директорез Геннадий Кудрявцев — вожвылъяськизы республикалэн огъя списоказ инты понна.
— Вожвылъяськон зол пуромиз. Одӥг интые 2-9 мурт куриськиз. Калыкен пумиськонъёсы ваньмыз сямен ик кандидатъёс пыриськизы. Партия рос-прос адямиосты ӵектӥз. Округъёсын калык соосты тодэ, — пусйиз «Огъя Россия» партилэн Удмурт ёзэзлэн Политсоветэзлэн секретарез Александр Соловьёв.
Ватсано созэ но: куара сётонэ пыриськемъёс пӧлысь 30 процентэз кандидатъёс — удмуртъёс. Кылсярысь, Яр округын уполномоченнойёс 99,4 процент куаразэс сётӥзы  Владимир Невоструевлы. Со али Кун Кенешлэн Тӧроезлэн воштӥсез луэ.
Ас округаз 100 процент куара люказ мукетыз тодмо политик Светлана Кривилёва.    Сарапулын 97,4 процент бичаз Электрогенераторной заводлэн директорез Сергей Мусинов.
Куара сётонын кылдэм списокысь фамилиосты нырысь пыр-поч эскерозы ФСБ-ын но МВД-ын ужасьёс. Нырысь ик, чаклалозы кандидатъёслэсь суд улэ шедьылэмзэс.  20-тӥ августэ кылдытэм списокез юнматыны кулэ партилэн Удмурт ёзэзлэн конференцияз.
Елена Скворцова.

Удмурт Дунне
By Удмурт Дунне Август 3, 2012 11:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<