Ӟуч кунлэн симфониез

Удмурт Дунне
By Удмурт Дунне Июль 31, 2012 11:03

28-тӥ июле Ижысь Дун-чылкыт Михаиллэн соборез дорын бадӟым праздник ортчиз — «Ты живи, Святая Русь».

Таиз ар Россилэн историезлы сӥземын. Таин сэрен республикаямы уно гинэ ужрадъёс ортчытэмын ини. Ӟуч государстволы 1150 ар тырмонлы чаклам таиз ужрад одӥгез валтӥсез но яркытэз луиз.

28-тӥ июль њуч кунлэн пылатэм нуналэныз лыдъяське. Россиысь музон городъёс пӧлысь Ижевск нырысь ик та праздникез сӥлы каронэ басьтӥськиз. Хор коллективъёсты огинэ люкаса, ужрадэз пусйыны ӵектӥз республикаысьтымы тодмо крезьгурчи, дирижёр Валерий Митрофанов. Валерий Яковлевич ачиз ик та ужрадлэн чеберлыкъя кивалтӥсез луиз.

Празднике пыриськизы республикаысьтымы профессионалъёслэн, студентъёслэн, нылпиослэн хоръя коллективъёссы: Операя но балетъя театрысь хор, Ижкарысь П. Чайковский нимо камерной хор, крезьгуръя колледжысь кык хор. Пусйыны кулэ: усточи нылпиос, та ужрадлы дасяськыны шуыса, нимысьтыз куинь арнялы лагере ветлӥллям. Усто программа дасяллям. Ваньзы покчиослы синмаськизы.

Калык азе потӥз пиослэн огазеям хорзы. Соос вуиллям Можга городысь, Сьӧлта но Балезино ёросъёсысь. Калыкез паймытӥз на пиослэн Ижысь «Ингур» капеллазы. Собере чузъяськизы оген кырӟасьёслэн Юлия Самойловалэн но Виктор Сергиенколэн чебересь кырӟанъёссы. Шум-поттӥз на «Арсенал-бэнд» оркестр.

Ужрадын бадӟым инты басьтӥзы классикъёслэн, кылсярысь, П. Чайковскийлэн, С. Рахманиновлэн, Д. Бортнянскийлэн, С. Рябченколэн но мукетъёсызлэн крезьгуръёссы. Асьме шаерысь крезьгурчилэсь Айгуль Касимовалэсь «Симфония России» кырӟанзэ быдэстӥз нылпи крезьгуръя школаосысь огазеям хор. Концертын озьы ик чузъяськизы, кылсярысь, С. Прокофьевлэн «Александр Невский» кантатаез, А. Бородинлэн «Князь Игорь» операез, М. Глинкалэн «Патриотическая песня» кырӟанэз но мукет.

Ӝытбыт Дун-чылкыт Михаиллэн соборез дорын кыдёке вӧлскизы шулдыр гуръёс.

Любовь Тихонова.

Удмурт Дунне
By Удмурт Дунне Июль 31, 2012 11:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<