Ӟеч кивалтӥсьлэн юэз но ӟеч

Удмурт Дунне
By Удмурт Дунне Июль 31, 2012 11:06

Ӟеч кивалтӥсьлэн юэз но ӟеч

Эштосэн кивалтӥсь В. Калинин.

Туэ гужем Вавож ёросысь Мичурин нимо эштосын ортчиз «Бусы нунал» ужрад. Отчы пыриськизы трос улосъёс. Мичурин нимо эштос юнме быръемын ӧй вал — хозяйство быдэс шаерамы одӥгез кужмоез но ӝог азинскисез эштос луэ.

Татчы арлы быдэ дышетскыны ветло элькунысьтымы хозяйствоослэн кивалтӥсьёссы но специалистъёс. Угось татысь гинэ адӟод кунгож сьӧрысь басьтэм техникаез, тодматскод выль ужан амалъёсын. Эштосын вамышлы быдэ шӧдӥське: калык сярысь татын юн сюлмасько. њамбайёс толэзьлы быдэ шорлыдын 15 сюрс уждун басьто.

њамбайёслы сыӵе ужан мылкыд 42-тӥ арзэ сётэ ни кузёзы Валентин Калинин. Со котьку одӥг малпанэн улэ но ужа: эштос ялан азинскыны кулэ.

«Мичурин нимо СХПК» колхоз 1997-тӥ арысен таза элита кидыс будэтӥсь хозяйство луэ. Та ужез ӟеч радъяса кельтӥз валтӥсь агроном Владимир Капеев. Туэ сое ёросысь гурт удысъя управленилы кивалтӥсе басьтӥзы. Воргоронэз воштӥз ёросысь «Зарни луд» эштосысь валтӥсь агроном Любовь Тихонова. Усто специалист йылпумъяз Сарапулысь совхоз-техникумез. Яголудын со 15 ар валтӥсь агроном вал. Тыршемез пусъемын элькунысьтымы Гурт удысъя но сиён-юонъя министерстволэн Данъян грамотаеныз, Удмурт Правительстволэн Таукаронэныз.

Таӵе етӥз но задор мылкыдо кышномуртэз гурт хозяйствоосысь ӵем уд пумита. Нуназе бере Любовь Николаевнаен пумиським сезьы бусыын.

— Туннэ 79 гектар кӧжымес утялтыса быдтӥм, — шумпотэмзэ вера агроном. — Ю тысьмы котькуд гектарысьтыз 32 центнерлэсь уно люкаськиз. Сезьымы но солэсь ичи уз луы. Лудъёсмы питомникъёслы люкылэмын. Татын 15 гектар луоз, ӝытозь ваньзэ аралом.

Вераськон куспамы огез бӧрсьы мукетыз кужмо Дон-1500 Б, Лида-1300, ACROЗ-580 комбайнъёс сезьы бусые вуизы. Одӥг котыр но лэсьтыса ӧз вуэ — кутсам кӧжызэс ӝоктыса, тыпыр-тапыр вуизы МАЗ, ГАЗ машинаос, МТЗ-82 но NEM Holland тракторъёс. Калык берлозэ тракторез «американец» гинэ шуэ. Тележкаез аслэсьтыз куинь поллы бадӟымгес, одӥг пол нуэмаз 15 тонналэсь ятыр ю тысь складэ вуттэ, нош мукетъёсыз 4-5 тонна гинэ ваё. Кузёез Сергей Одинцов лќптыса тырше — кабинаяз тузон уг пыры, пуктэмын компьютер но кондиционер.

њамбайёслэн лудъёссы паськытэсь ӧвӧл бере, 6 комбайнъёс ог-огзэс лёгаса кадь ветлыны дась. Кӧжы бусыысь бертыса, Сергей Елышев гинэ мастерское Дон-1500Б комбайнзэ ӝамдэлы «эмъяны» дугдылӥз. Эшъёсызлэсь бере кылемез уг поты — анаез выжые мынэмын. Нина Елышева шаерысьтымы дано экономист. Солэсь ужзэ азинто музон кышномуртъёс. Хозяйствоын лыдъян-чотан ужъёс туж умой радъямын.

Эштослэн кивалтӥсез Валентин Калинин но арасьёс доры вуиз, сезьы куроез палэнъяса ик учкиз, тысез, пе, уг кыльы-а. Чылкыт утялтэмын, нош толон кӧжы кутсамзэс асьсэос комбайнёръёс «4»-лы гинэ дунъяллям.

Лудысь куать кужмо агрегатъёслэсь ужамзэс учкыса, сюлэм шумпотонэн пачылме.

Туэ но ӟамбайёслэн юоссы удалтэмын. Кылем арынлэсь — гектарысь 40 центнерлэсь — ичи, пе, уз луы, шуэ Валентин Егорович.

Хозяйствоын арысь аре валтӥсь инты висъяло ӟеч сортъёс уськытонлы. Кӧжызы — «Аксайский усатый» но «Красный ус», сезьызы — «Улов» но выль сорт «Памяти Балавина». Ӟеч кидыс басьто Киров улосысь «Фаленский» сортоиспытательной станциысь. Асьсэос элита кидыс вузало шаерысьтымы мукет хозяйствоослы, одӥг килограммзэ 10 манет 90 коньыен. Со понна республика 4 манет юрттэт сётэ, нош Россия — 3,7 манет. Озьы кидыс басьтӥсь эштослы килограммез 2,3 манет тыр гинэ усе. њамбайёс туэ 600 тонна таза кидыс пӧртэм ёросъёслы вузазы. Эштослы со уно пайда сётӥз.

Валентин Калининлэн верамезъя, туэ юоссы, кылем арен ӵошатыса, вазьгес кисьмазы, озьыен, аранзэс но ӝоггес йылпумъялозы. Ӝыныез юосмы кутсамын ни. Жильк-жильк таза ю тысь вуэ выльдэм складъёсы. Татын но нокыӵе ӝеганъёс ӧвӧл. Испаниысь басьтэм пичи гинэ бульдозер ю тысез син куспын 2-3 метр ӝуждалае донга. Гурт калыклы та вакытэ ӟеч юртто Ижысь гурт удысъя кун академиысь практикае лыктэм студентъёс.

Геннадий Романов.

Удмурт Дунне
By Удмурт Дунне Июль 31, 2012 11:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<