Шутэтскыны дыр ӧз кыльы ни

Удмурт Дунне
By Удмурт Дунне Июль 6, 2012 12:26

Шутэтскыны дыр ӧз кыльы ни

В. Кушко.

Кун Кенеше та нуналъёсы люкаськылӥзы шаерысьтымы Быръёнъёсъя валтӥсь комиссие юнматэм выль адямиос. Соосын тодматскыны вуылӥз Президент Александр Волков, Кун Кенешлэн Тӧроез Александр Соловьёв.

Талэсь азьвыл ужам комиссилэн дырыз йылпумъяськиз туэ 4-тӥ июле. «Удмурт Республикаысь Быръёнъёсъя валтӥсь комиссия сярысь» законэ воштонъёс пыртэмен валче комиссилэн ёзчиосыз выль сямен бырйиськизы: 29 мае сессиын 7 муртэ юнматћз Кун Кенеш, кылемъёссэ (эшшо 7-зэ) џуказеяз шараяз Удмуртилэн Президентэз.

Выльдэм ЦИК-лэсь ны­ры­­се­тӥ кенешонзэ усьтыны луонлык сётӥське ёзчиос пӧлысь тужгес но арлыдоезлы. Кивалтӥсь угось быръемын ӧвӧл на. Озьы кенешонэз усьтӥз Георгий Пчельников — Быръёнъёсъя валтӥсь комиссилэн секретарез. Басьтӥськоно валтӥсь ужпум борды — ЦИК-лэсь кивалтӥсьсэ но солэсь воштӥсьёссэ быръён борды, шуиз со.

Та уж борды кутскон азьын ёзчиослы вазиськиз Удмурт Республикалэн Президентэз Александр Волков:

— Туннэ мыным шокчыны маза ӧвӧл ке но (Вавож палъёсын радъяське «Бусылэн нуналыз», отчы пыриське Россиысь Президентлэн Приволжск федерал округъя оскем муртэз М. Бабич — авт.), ЦИК-е быръем выль ёзчиосын ваче син кенешеме, нырысетӥ пумиськоназы пыриськеме потӥз. Комиссилэн азьвыл ёзчиосыз ужзэс ӟеч но пайдаё радъязы. Оскисько, тӥ но удыстэс валаса нуоды. Кужымдэс-быгатонлыктэс ӝоген уж вылын эскероно луоды — туэ сӥзьыл ортчозы Кун Кенеше быръёнъёс. Сӥзисько куспады тупаса ужан, ог-огдэс валан. Кыӵе ке ужын юрттоно луиз ке, мон котьку дась.

Кун Кенешлэн Тќроез Александр Соловьёв ЦИК-е пырисьёслы шуиз:

— Ӝоген выльдоно луоз парламентмес. Быръёнъёс ортчозы туэ 14-тӥ октябре. Уж трос. Соин ик рос-прос басьтӥськоно та ужрадлы дасяськон борды — шутэтскыны дыр ӧз кыльы.

ЦИК-лы кивалтӥсе ӵектэ­мын Виктор Кушко. Талэсь азьвыл со Кун Кенешлэн Тӧроезлэн нырысетӥ воштӥсез вал. Удмурт Республикалэн Быръёнъёсъя валтӥсь комиссияз сое ӵектӥз Россиысь ЦИК. Выльдэм комиссилэн ёзчиосыз лушкем куара сётонын ваньзы соглаш кариськизы Виктор Михайловичлэн кандидатураеныз. Солы воштӥсе быръемын Надежда Глухова (талэсь азьвыл со быдэсъяз ЦИК-лэн азьвыл кивалтӥсезлэн воштӥсезлэсь ужзэ) но Жанна Дворцова (талэсь азьвыл со кивалтӥз Кун Кенешысь Кунэз радъянъя но аскивалтонъя ялан ужась комиссиен). Выльдэм комиссилэн секретарез луиз Георгий Пчельников — та удыс солы тодмо азьвыл комиссиын тыршемезъя.

Елена Никитина.

Удмурт Дунне
By Удмурт Дунне Июль 6, 2012 12:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<