Шуныт кузьма Шунды-Мумы

Удмурт Дунне
By Удмурт Дунне 3 июля, 2012 09:31

Президент А. Волков резиденцияз люкалляз «Удмурт Республикаысь устоез ужбергатӥсь» конкурсэ пыриськемъёсты.

Та ӵошатскон шаерамы радъяське ини 15-тӥ арзэ. Со дыр ӵоже 250-лэсь ятыр ужбергатӥсьёс данъямын ини. Соос пусъемын Шунды-Мумы синпелетэн — со, пе, возьматэ тупаса, ог-огдэ валаса ужаны быгатэмез.

— Бизнес азинске — та пумысен нокин уз ченгешы, — пусйиз А. Волков. — Ас вакытаз асьмеос визьмо вамыш лэсьтӥмы: ужбергатонъя нимысьтыз комитет, озьы ик солы юрттонъя фонд кылдытӥмы. Пайдаез шӧдӥське: ужбергатон шаерамы азинске, калыклы ужан интыос кылдо.

«Удмурт Республикаысь устоез ужбергатӥсь» конкурсын вормисе потӥзы пӧртэм бизнесэн вырисьёс. Кылсярысь, «ТВК Проект» огазеяськонлэн валтӥсь директорез Пётр Петренко, пу юртъёсты ӝутонъя Удмуртиысь комбинатлэн кивалтӥсез Борис Чудинов, итальян сиёнъёсын ресторанъёсты возись Анастасия Матвеева, «МИНК» огазеяськонлэн кивалтӥсез Михаил Иргунов но мукетъёсыз.

Вормисе потэмъёс пӧлын вань гуртоос но: кылсярысь, Дэри ёросысь «Заречное» крестьян хозяйстволэн кивалтӥсез Михаил Лебедев, Ува каргуртысь нимаз предприниматель Станислав Щепин. «Устоез ужбергатӥсь-нылкышно» номинациын ваньзэсты азьпалтӥз Эгра каргуртысь ужбергатӥсь Ольга Шаронова.

Елена Никитина.

Удмурт Дунне
By Удмурт Дунне 3 июля, 2012 09:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<