Солдат шедиз

Удмурт Дунне
By Удмурт Дунне 3 июля, 2012 09:34

70 ар пала возьмам ивор вуиз та нуналъёсы Эгра ёросысь Зура черкогуртэ. Карелиысь Виллагора каргурт котырын шедьтэмын Тимон Архипович Чирковлэн лысьӧмъёсыз.

Тимон Архипович сярысь гуртоослы трос тодмо ӧвӧл. Война кутскытозь, колхозын тыршем, семьяяз бадӟымез нылпи вылэм. Оже кошкемез бере Зурае со сярысь одӥг ивор но вуымтэ ни. Воргоронэз тодманы юрттӥз лысьӧмъёсыз пӧлысь шедьтэм медальонэз. Та нуналъёсы Тимон Архиповичлэсь лысьӧмъёссэ Виллагора дорысь шайвылэ ватӥзы. Отчы вуылӥзы солэн ӵыжы-выжыосыз но.

— Табере песятаелэн но лулыз ганяк кариськоз ни, — мылкыдзэ шарая Тимон Архиповичлэн нунокез Сергей Чирков. — Ми но гань-гань луимы, солэсь кытын быремзэ тодыса, калык сямъя шайгуэ ватыса. Бадӟым тау кареммы потэ «Хранители» отрядысь утчаськисьёслы. Соостэк нокызьы но ӧм тодысалмы песятаймылэсь кытын быремзэ.

Виллагора котырын али ке но окопъёс утиськемын. Ӵапак отын асьме солдатъёс Петрозаводск карез тушмонлэсь утизы — немецъёсын ожмаськиз 313-тӥ дивизия но НКВД-лэн 15-тӥ полкез. Тушмонъёс асьме боецъёслэсь куинь поллы тросгес вал. Озьы ке но соослы пумит асьмелэнъёс ньыль нунал ӵоже жугиськыны пӧрмытӥзы.

Ӟырдыт ожъёс Петрозаводск котырын кема мынӥзы, 68 номеро полкысь ог 800 адями быриз. Али та палъёсын утчаськон ужъёсты нуэ «Хранители» отряд. Берло дыре соос шедьтӥзы но ватӥзы 94 быремъёсты. Пӧлазы Тимон Чирков сяна, Алнаш палъёсысь Фёдор Козлов но. Фёдор Ивановичлэн но лысьӧмъёсыз Карелиысь вынлыко шайгуэ ватэмын.

Роман Вагинов.

Удмурт Дунне
By Удмурт Дунне 3 июля, 2012 09:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<