Песянайёс мертало кен дӥськут

Удмурт Дунне
By Удмурт Дунне Июль 31, 2012 11:09

Песянайёс мертало кен дӥськут

Ижысь ветеранъёс ярато шулдыръяськыны.

Ижысь ветеранъёс котькуд арнянуналъёсы пумиськыло Президентлэн юртэз вӧзын шутэтскыны, эктыны, шулдыръяськыны.

Таиз арнянунал сӥземын вал кенъёслы. Песянайёс сандыкъёсысьтызы поттӥзы бызем дӥськутъёссэс. Кин тодэ, оло, огназы кылемъёслы выльысь кен луыны кылдоз. Воргоронъёс но палэнэ уг кылё. 25-тӥ августэ чакламын «Утчасько кен» љыт. Ираида Жданова но Аркадий Изместьев ог-огзэс шедьтӥзы ни.

Ӝытъёсты радъянэ котьку пыриське Наталья Островская. Нылкышно сюлмаське, пумиськонъёс аспӧртэмлыко мед луозы шуыса.

— Тросэз арлыдоос внукъёсынызы лыкто, — вера со. — Нимысьтыз пусйимы Семьялы, яратонлы но осконлы сӥзем нуналэз. Тросэзлэсь люкаськемъёслэсь йыръёссэс чебертӥзы тӧдьысяськаослэсь тугокоос — та сяська семьяез утисен лыдъяське.

Гужем ӵоже арлыдоос пӧртэм шулдыр љытъёс ортчытӥзы ни. Пионеръёслэсь нуналзэс пусйизы горнъёсын, барабанъёсын, галстукъёсын но со вакытысь кырӟанъёсын. Нош зонтикъёслы, шляпаослы сӥзем праздникын инбам ик воректӥз кадь пӧртэм буёлъёслэсь.

Котькуд аре ортчыло карнавалъёс. Таяз учыре эктыны, кырӟаны вуиллям Алла Пугачёва но Верка Сердючка. Песянайёс олокызьы но пӧрмытско, пӧлазы удмурт дӥськутэнъёсыз но вань.

Августэ йӧно пӧр-мытскем песянайёс но песятайёс люкаськозы балэ, мукет дыре нылпиослы карнавал радъялозы, собере дыр вуоз сяська керттэтъёслы. Нош йылпумъялоз гужем ӝытъёсты тодон-валанлы сӥзем праздник.

Лия Малых.

Удмурт Дунне
By Удмурт Дунне Июль 31, 2012 11:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<