Ог-огзылы юртто

Удмурт Дунне
By Удмурт Дунне Июль 31, 2012 10:35

Кез ёросысь гурт хозяйствоосын тыршисьёс пудо сиён дасяло. Та вакытлы котькуд пудо йырлы 14,6 центнер кормовой единица дасямын.

Котькинлы адӟем карымон ужало «Гулейшур», «Маяк» но «Дружба» хозяйствоосын, отын та лыдпус 20 центнерлэсь ортче ни. Со вакытэ ик «Колос», «Липовка» огазеяськонъёсын 10 центнер но дасямын ӧвӧл на. Кызьы ивортэ Кез ёрос администрациысь гурт хозяйствоя управлениысь валтӥсь агроном Дмитрий Бутолин, пудоез умой толйытон понна 20 центнер кормовой единица дасяно, нош ӟечлыко йӧл вузан понна — 30 центнер.

Ёросысь механизаторъёс силоссэс 72 процентлы тырмытӥзы, сенажзэс — 115 процентлы. Азинске турын дасян. Туннэ нуналлы 50 процент люкамын. Пусйыны кулэ: бере кылись хозяйствоос, юрттэт курыса, вазиськизы кужмоосызлы. Кужмо СПК-ос турын люканы бускельёссылы пумит ӧз луэ, нош куазь сётӥз ке, та арня пумын куд-ог хозяйствоос кутсаськыны потозы.

Валентина Кутузова.

Удмурт Дунне
By Удмурт Дунне Июль 31, 2012 10:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<