Нылпиослы — бадӟым кредит

Удмурт Дунне
By Удмурт Дунне Июль 27, 2012 13:05

146 миллион 290 сюрс манет кредит висъяськоз Удмуртилы федерал бюджетысь.

Та уксё чотын лэсьтӥсь­кисьёс йылпумъялозы 5 ныл­пи сад пуктонэз. Таос пӧлысь 3-ез — Ижысь садъёс. Озьы матысь дыре 857 выль интыос усьтӥськозы, ивортэ Президентлэн но Правительстволэн пресс-службаез.

Удмуртия нылпиос вордскемъя Приволжск федерал округын нырысетӥ интыын мынэ. Берло 4 ар ӵоже тэшкылиослэн лыдзы йылэ. Тани туэ но, кылем арысь та вакытэн ӵошатыса, нуныос 916-лы тросгес вордскизы ни. Специалистъёс чаклало, туэ ар пумозь шаерамы 22 сюрс нылпилы уногес луоз.

Таин валче нылпи садъёсын интыослы ёрмон кылдэ. Но берло 5 ар куспын гинэ 7 сюрс тэшкылиослы интыос усьтэмын, пӧлысьтыз 4 сюрсэз — Ижын. Туэ выль садъёс ӝутскемен, котькуд 3 аресъем пиналлы путёвка кылдоз. Нош матысь 3 ар ӵоже кивалтӥсьёс сюлмаськозы яслиосы выль группаос усьтон пумысен.

Елена Скворцова.

Удмурт Дунне
By Удмурт Дунне Июль 27, 2012 13:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<