Малы ӝегаз Президент?

Кун Кенеше быръёнъёс сӥзьыл гинэ ортчозы ай. Нош али вуоно кандидатъёс пӧлын ӟырдыт вожвылъяськон мынэ.

Республикаын ӝоген йылпумъяськоз «Огъя Россия» партилэн праймеризэз. Сое ортчем кандидатъёс нюръяськыны быгатозы ни депутатлэн мандатэз понна.

14 номеро округын ортчись праймеризэ лыктӥз Президент Александр Волков но. Кивалтӥсь та ужрадэ ӝегаса вуиз, но мугзэ валэктӥз: Ижысь автозаводын кутскизы выль машина бичаны.

— Ваньмы тодӥськомы, кызьы дугдӥз завод. Калык ужтэк кылиз. Но югдур тупатске. Кылем арын «ИжАвто» 2 сюрс 500 адямиез уже кутӥз. Таӵе дыръя калыклэн ӵуказе нуналлы осконэз кылдэ. Асьмеос таӵе ужмес азьланьтыны кулэ, — вераз Александр Волков.

Президент люкаськемъёслэн юанъёссылы валэктонъёс сётъяз, республикаын огъя югдур сярысь мадиз но вуоно быръёнъёслы выль кужымен мыныны сӥзиз.

Елена Скворцова.