Курыт улонэн нюръяськон

Удмурт Дунне
By Удмурт Дунне Июль 10, 2012 10:59

«Огъя Россия» партилэн Удмурт ёзэзлэн политсоветэзлэн калыклэн вазиськонъёсыныз ужанъя комиссиез та нуналъёсы эскериз кык ужпумез: улон инты понна тыриськонъёслэн йылэмзы но курыт юонъёслы дунъёслэн будэмзы.

Туэ 1-тӥ июле улонэ пыӵаны кутскизы выль куронъёс: сюрес вылын мынон-ветлон правилоосты тӥям понна тыриськонъёс, улон инты понна тарифъёс, курытэзлы дунъёс вылӥе тэтчизы. Берпуметӥез герӟаськемын калыклэсь тазалыксэ утёнэн — юонэн нюръяськонэн.

— Удмуртиын улӥсьёс пӧлын улонысь кошкон учыръёс пӧлысь 58 процентэз герӟаськемын курытсэ ӟамыръянэн, — веранзэ мытӥз Кун Кенешлэн Тӧроезлэн воштӥсез, «Огъя Россия» партилэн «Улонлэн ӟечлыкез. Тазалык» проектэзлэн шаермыя координаторез Светлана Кривилёва. — Удмуртиын улӥсьёс пӧлын алкоголь юонъёсын эшъяськон Россиын кадьгес возиське: араз адямилы быдэ 18 литр усе. Кунгож сьӧрысь кунъёсын ӵошатыса, лыдпус туж бадњым. Озьыен, та ужпумен нюръяськоно.

Республикаысьтымы Вуз каронъя но калыклы юрттэт сётонъя министерствоысь специалистъёс ивортэмъя, водкалы дунъёс ӝутскизы 28 процентлы. Табере тужгес дунтэмез водка но ӝыны литрез понна 125 манетлэсь ӧжытгес сылыны уз быгаты. Кытын ке талэсь дунтэмгес вузало ке, озьыен, курыт юон лушкем поттэмын но калыклы ӝоггес вузан понна дунтэмгес дун пуктэмын.

— Россиын кутэмын алкоголен нюръяськонъя нимысьтыз концепция, — пусйиз вуз каронъя но калыклы юрттэт сётонъя министрлэн воштӥсез Галина Трегубова. — Соя улосъёс азе курон пуктэмын: 2020-тӥ арозь курыт юонъёсты ӟамыръянэз 55 процентлы кулэстоно. Озьыен, асьмелы но та ласянь уж нуоно.

«Огъя Россия» партилэн Удмурт ёзэзлэн политсоветэзлэн секретарез Александр Соловьёв, озьы ик исполкомлэн кивалтӥсез Олег Пырегов огымысь пусйизы: курыт юонъёслэсь дунзэс ӝутыса гинэ, та лэчыт ужпумез уд палэнты. Нюръяськоно уйин кудӟытӥсь юонъёсты вузасьёсын — соослэсь кылзэс эшшо но чурытгес юано. Соосты чакланэз эшшо но золгес радъяно.

Улон инты понна тарифъёслэн ӝутскемзы пумысен ивортӥз Шунытъя, электрокужымъя улос комиссилэн кивалтӥсезлэн воштӥсез Валерий Кашин. ЖКХ тарифъёс туэ йылӥзы 1-тӥ июльысен. Эшшо будозы туэ ик 1-тӥ сентябрьысен. Таин валче калык пӧлын ӟырдыт мылкыдъёс пуромозы, вылды.

— Валамтэос медаз кылдэ шуыса, югдурез арнялы быдэ чакласа возёно, — шуиз Светлана Кривилёва. — Калыклэсь вазиськонъёссэ кутозы Россиысь Правительстволэн Тӧроезлэн Д. Мед­ведевлэн Ижысь калыкез пумитан интыяз тыршисьёс. Со сяна, ЖКХ удысысь шекъёс сярысь ивортонъёсты кутозы «Огъя Россия» партилэн шаермылэн пӧртэм ёросъёсаз интыяськем ёзъёсаз.

Елена Никитина.

Удмурт Дунне
By Удмурт Дунне Июль 10, 2012 10:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<