Кин тросгес турназ?

Удмурт Дунне
By Удмурт Дунне 13 июля, 2012 13:59

Гурт удысъя но сиён-юонъя министерство ивортэмъя, та дырлы котькуд пудо йырлы шорлыдын дасямын 7,8 центнер сиён.

Турын турнамын 39 процентэз, со пӧлысь 37 процент кӧс турын ӝоктэмын, 35 процент сенаж дасямын, 38 процент — силос. Бусы ужъёс кылем арын сяменгес ик радъясько. Но ёросъёсъя лыдпусъёс висъясько. Тани алнашъёс 61 процентсэ турынзэс турналлям ини, нош киясаос — 17-зэ гинэ. Кӧс турын ӝоктонын тужгес шаплы ужало можгаос, нош Камбарка ёрос сенаж дасянъя планзэ быдэстэм ини — 940 тонна. Алнашъёслэн та дырлы сенажзы дасямын 25 процентэз.

Силосъя республикаын тужгес но ӟеч ужало шарканъёс — туннэ нуналлы гуосы 66 процентэз жалем сиён тыремын. Нош азьпалан вуоз ай кукуруза. Со но ӟеч ватсэт луоз.

Ивае Аркашев.

Удмурт Дунне
By Удмурт Дунне 13 июля, 2012 13:59