Вунэтэмзэ кизён

Удмурт Дунне
By Удмурт Дунне 6 июля, 2012 12:19

Гуртын та вакытэ кысык дыр — толлы пудо сиён дасяло. Эгра ёросысь «Ленин сюрес» хозяйствоысь механизатор Владимир Васильев тракторез борды мажес думиз ни — бусые потоно. Егит пияш хозяйствоын кыкетӥ арзэ гинэ ужа ай — армиын служба нуэмез бере вордӥськем гуртаз ик кылёно кариськиз.

— Ужаны мылкыдын ветлӥсько, — шуэ Владимир. — Техника вуж ке но, сое тупатъяськом-выльдӥськом — озьы ик бусые потӥськом. Куазь луонлык сётэ. Озьыен, вань кужмысь пудо сиён дасяно.

Лымшор ёросъёсын ӵо­ша­тыса, уйпалъёс пудо сиён дасян борды кык арнялы бергес кутскизы — зоръёс люкетӥзы. «Ленин сюреслэн» гыроно-кизёно муосыз 2 сюрс гектар пала. Вазенгес кизизы вал козлятник — табере со арлы быдэ удалтэ. Тунсыко: та будосэн ӵош бусые берытско азьвыл аръёсы вунэтэм культураос но.

— Кизиськомы на тари, — шуэ «Ленин сюрес» хозяйствоысь валтӥсь агроном Тамара Шкляева. — Удалтэ со милям, пудо сиён дасянын шӧдскымон юрттэт сётэ. 4 гектар вылын кизимы пудолы кушман — удалтӥз ке, вуоно аръёсы сое йылтомы.

Ӵапак пудо сиён дасян понна хозяйство выль техника басьтӥз. Со, выль технологиосты, чакласа лэсьтэмын. Турынэз, вандэм сяна, паньгатэ на — озьы сенажлэн но силослэн ӟечлыксы будэ.

2010-тӥ арын кӧс гужем бере гуртоос тросгес кизьыны тыршо люцерна, клевер, козлятник. Ю-няньлы ичигес муоссэс висъяло. Угось сое мукет улосъёсысь но вайыны луэ. Та вакытэ пудо сиён дасян ужъёс вань ёросъёсын мыно ни. Азьпалан — лымшоръёс.

— Кылем арен ӵошатыса, турын туэ лябгес, — шуиз гурт удысъя но сиён-юонъя министрлэн воштӥсез Аркадий Малков. — Но толэз пумитаны со тырмоз. Вылаз ик, куазь сётӥз ке, кыкетӥзэ но турнаны луоз ай.

Роман Вагинов.

Удмурт Дунне
By Удмурт Дунне 6 июля, 2012 12:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<