Али но ум оскиське шудмылы

Удмурт Дунне
By Удмурт Дунне Июль 31, 2012 10:40

Али но ум оскиське шудмылы

О. Нырова Ксюша нылыныз выль корка улыны выжоз.

Кылем арня вискын Гурт удысъя но сиён-юонъя министерствоын 23 егит специалистлы выль корка выжон сярысь сертификат сётъязы.

Егит семьяосты ӟечкы-лазы Правительстволэн Тӧроезлэн воштӥсез Александр Коробейников, гурт удысъя но сиён-юонъя министр Алексей Стрелков. Гурт удысэз азинтон программая туэ таӵе сертификат басьтоз 103 егит семья. Сое сётъян таиныз ӵош куинетӥзэ ортчиз ни. Туэ егит специалистъёслы улон инты ӝутон понна висъямын 100 миллион манет.

— Та лэсьтӥськонлы 30 процентсэ коньдон висъя Россиысь бюджет, нош 40-зэ — республика. Но Удмуртия арысь аре тросгес висъяны турттэ. Гуртын улон выльдӥське. Вуэ выль техника, пыӵало азьмынӥсь технологиос. Соин ик гуртэз азинтонын нырысь ик саклык висъяно егит ужасьлы. Мед луоз солэн улон интыез, ӟеч уждунэз но яратоно ужез. Соку пуктэм ужпумъёс но быдэсмозы.

Сертификат басьтӥсьёс пӧлын вал Пичи Пурга черкогуртысь фельдшер Ольга Нырова:

— Мон 2004-тӥ арысен ӝог юрттэт сётӥсьёс дорын ужасько ни. Улон коркалы черодэ султӥ 2010-тӥ арын. Верантэм зол шумпотӥ. Али но уг оскиськы кадь, со корка мынам шуыса. Огнам Ксюша нылме будэтӥсько. Солы сизьым арес. Туэ школае мынэ. Солы но та свидетельство — туж бадӟым кузьым.

Иван Аркашев.

Удмурт Дунне
By Удмурт Дунне Июль 31, 2012 10:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<