«Развитие» сьӧры уйисько «коммунистъёс»

Удмурт Дунне
By Удмурт Дунне 24 июля, 2012 10:16

Балезино ёросысь фермаосысь специалистъёс но азьветлӥсь пудо утисьёс люкаськылӥзы Сергино черкогуртысь культура юртэ.

Отын йылпумъянъёс лэсьтӥзы туэ ёросын ортчем йӧллэн ӟечлыкезлы но гидъёслэн чылкытлыксылы сӥзем конкурслы.

Нырысетӥ паларе балезиноос 25 сюрс 392 тонна йӧл кыскизы, кылем арынлэсь 1 сюрс 506 тонналы ятыргес. Миымлэсь 262 тонналы тросгес йӧл поттӥзы «Прогресс» гурт предприятиысь скал кыскисьёс, соос сьӧры итӥськизы «БСИС», «Развитие», «Правда», «Колхоз имени Мичурина» хозяйствоос. Нош берлань вамыштӥзы «Дружба», «Восход», «Россия» но «Колос» СПК-ос.

Котькуд йырлэсь кыскемын шорлыдын 3 сюрс 31 килограмм йӧл, та ласянь республикаын азьпалто соосты вавожъёс но эграос гинэ.

Умой югдурзы пудо уллёя но. Со туэ 334 йырлы будӥз. Та дырлы 64 скал гидъёс пӧлысь кыказ гинэ йӧл кыскон гумыос пумозяз лэсьтыса вуттымтэ.

Конкурсын вормисе по­тӥз «Развитие» гурт огазеяськон, кыкетӥын — «Восход», куинетӥ интыез люкизы «Путь к коммунизму» но «Сергинкий» СПК-ос.

Иван Аркашев.

Удмурт Дунне
By Удмурт Дунне 24 июля, 2012 10:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<