Open Гербер

Удмурт Дунне
By Удмурт Дунне 27 июня, 2012 10:47

Open Гербер

Удмурт дизайнеръёс пӧлын выль ним - Анна Смирнова.

23-тӥ инвожое удмуртъёслы шутэтскон сюриз — Гербер но «Зарни перепеч» оpen-air. Кык люкетлэсь шулдыръяськон-блокбастер интыяськиз «Лудорвай» музей-заповедникын. Нуназе куазен радъям концертъёс но ӵошатсконъёс капчиен выжизы уй шулдыръяськонэ. Таӵе ужрад — нырысетӥез. Оглом верано ке, шуг-секытъёс трос вал ке но, ваньмыз пӧрмиз!

Интернетын соку ик ченгешонъёс пуромизы: малы, пе, тӥ удмурт концерт-дискотекаез валантэм open-air кылэн нимаськоды? Ма шуэм со?

Open-air (англ.) — эркын омырын шулдыръяськон.

Таӵе терминэз «Зарни перепеч» командаысь радъясьёс юнме гинэ ӧз кутэ. Пиар но реклама понна дышем кыл пелез уг ванды. Мукет ласянь, удмуртъёслэн оупен-эйръёссы котьку вал ук! Гербер — эркын омырын шулдыръяськон ик вань.

Егитъёслы дасям программа 8 часэ ӝыт кутскиз. Нырысь бусыын трактористъёс куспын удмурт «Формула-1» ортчиз, собере жингыртӥз гурт диджейёс понна чемпионат. Нош ик тужгес но устоез луиз Пороз Мафия. Кузёбай пиос кельшизы удмурт кырӟан программаенызы, но пичи пурга пиосын ӵошатыса, трослы ляб вал техника ласянь. Пургаос шудӥзы 4 проигрывателен, зол дасяськиллям. Нош Никита Москвин МС нуись кариськиз. Но малы ке удмурт кылзэ вунэтӥз… Таин сэрен вормон удмурт кылын ӟабыльтӥсь порозъёс доры кошкиз.

11 часэ ӝыт Лудорвай вуко дорысь сцена вылын шулдыр концерт ӧръяськиз. Ньыль уроболэсь лэсьтэм сцена вылэ нокин но потаны ӧз возьдаськы! Тодмо удмурт егитъёс борды итӥськизы Глазкарысь Александр Леонтьев (тросэз сое тодо «Тон понна калым сёто» каверезъя), Катерина Данилова — MC Kenjali, выль удмурт дизайнер Анна Смирнова но мукетъёсыз. Концерт азьланьтӥськиз шулдыр дискотекаен, кудаз Электроник диджейёс выль гуръёсын, кылсярысь, удмурт дабстэпен шумпоттӥзы.

Эркын омыр пати шулдыр ортчиз. Одӥгез гинэ ӝожомытӥз: сектаськон азбарын воксё пӧсь чай сярысь вунэттӥллям… Соин но, лэся, тросэз куноос, мунчое пырыса, шунтӥськоно луизы. Бадӟым тау вераны кулэ музейлэн кивалтӥсьёсызлы — ӧз кышкалэ такем бадӟым кыл кутонэз вылазы басьтыны, ӧз кекатэ, ӧз зӥбе эшшо одӥгзэ удмурт кичӧлтонэз.

Дарали Лели.

Удмурт Дунне
By Удмурт Дунне 27 июня, 2012 10:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<