Усьтэм город

Удмурт Дунне
By Удмурт Дунне 27 июня, 2012 10:54

Усьтэм город

Шоркарлэн сюлмыз йыгаське татын

12-тӥ инвожоысен 24-тӥ инвожоозь Ижлэн шорсюлмаз, Шор площадьын, «Усьтэм город» фестиваль ортчиз. Эркын омырын шулдыръяськон огазеяз асьме крезьгурчиосты но вуэм куно-осты. Шумпотымон, таӵе кичӧлтонъёсты «КультProСвет» выллем промо-огазеяськонъёс яло шуыса. Вуоно арын та проектэз Ижкарысь администрация валтоз шуыса, оскем потэ.

Кырӟа «Живые» группа.

Кызьы пусъе одӥгез ужрадэз ортчытћсь Александр Невоструев, фестивальлэн пуштросэз но радъямез таяз арын трослы кужмогес вал. Валтӥсь малпан быдэс-миз: Ижкарын улӥсьёс тодматскизы ас ки-зилиосынызы. Арысь аре угось кылдо выль нимъёс, таланто крезьгурчиос, озьы ке но город соос сярысь уг тоды. Жаляса верано, фестивальлы ӧз тырмы рос-прос реклама. Пӧртэм ужрадъёс сярысь уногес калык мед тоды-сал.

Сема сиись но сур юись егитъёс интые, та нуналъёсы площадь паймытӥз таза улонэн эшъяськись калы-кен: кин ке сальса эктэ, кин ке фанк шудэ, нош «Planet of microbes» эктон ога-зеяськонысь егитъёс йыр вылазы бергало.

«Визьнодан шатёр» пло-щадкаын кылъя курсъёс мынӥзы. «Креативной ка-питал» караоке пыр англи кыллы дышетӥз. Озьы ик радъямын вал удмурт кылъя урокъёс. Ирина Зангарик-лэн кичӧлтэмезъя кӧня ке нунал ӵоже лексикаен но грамматикаен тодматӥзы Ангелина Решетникова, Наталья Дмитриева но Ольга Стрелкова дыше-тӥсьёс.

Валтӥсь сцена вылын тужгес но тунсыко програм-ма витиз. Котькуд нунал — мар ке но вылез: я Виктор Цойлэн вордскем нуна-лыз, я Пол Маккартнилэн. Крезьгурчиос тодмо кыр-ӟасьёслэсь гуръёссэс бы-дэсъязы. Озьы ик ни-мысьтыз нунал сӥзе-мын вал Ижкарысь рок-классикъёслы: «Трали-вали, «Сны Африканца», «Фавори-ты луны» группаос кырӟазы. Вуылӥзы мукет городъёсысь куноос но, соос пӧлын — бард Василий Уриевский, ульчаын кырӟась «Живые» коллектив.

Фестивальлэн берпуметӥ нуналыз тужгес но яркыт пӧрмиз. 24-тӥ инвожое нуназеысен ик жингыртӥз «Indie Love» фестиваль. Со сӥземын вал Ижкарысь туала инди-рок сценалы. Татчы тужгес но устоосыз группаос сюризы: Wonderland, Deep Winter, Take Off Rockets, Monc!, Silent Woo Goore но The Flying Foxes. Нимысьтыз Москваысь вуиз Alterday.

Тужгес но синмаськы-монэз — быдэсыз фес-тиваль дунтэк ортчиз. Со сюрес усьтӥз трос выль коллективъёслы, бугыр-тӥз Ижысь крезьгур уло-нэз но оскон кылдытӥз: асьме крезьгурчиосмы но муртъёслэсь номырин ляб ӧвӧл.

 

Ivan Belosludsev & 4 cheber pios группаысь бас-гитарист Александр Чазов.

Лад-лад шутэтским!

«Усьтэм город» фестивальын одӥг нуналэз туала удмурт культуралы сӥземын вал. «Супергужем» нимо фестивалез Lad-lad promo дасяз.

Настя Венчикова туспуктӥсь но Дарали Лели тузӥясько Silent Woo Goore но Lad-lad кепкаосын.

22-тӥ инвожое котырес фонтан вӧзысь сцена вылын воректӥзы выль удмурт нимъёс. Ужрадэз усьтӥз dj Bogdan — Богдан Яблоков. Та пияш ӟуч ке но, Moniki djs дуэтысь Илья Коробейниковен но Никита Москвинэн ӵош мыло-кыдо пыриське удмурт дискотекаосы. Со бӧрсьы диджей пульт сьӧры султӥз dj Darali. Со усьтӥз удмурт мода адӟытонэз. Сцена вылын бӧрсьысь бӧрсе выль коллекциосынызы удмурт дизайнеръёс гочатӥзы. Ан-на Смирнова абдратӥз удмурт купальникъёсын сузьетэныз, Полина Кубиста — аппликациен но пэчворкен чебермам дэремъёсыныз, Ольга Вужер — яркыт гужем буёлъёсыныз. Мода бере калыкез шулдыртӥзы поп-фрик Ullapalla Boy, «4 чебер пиостэк» гурлась Ваня Белослудцев, «Уйвӧт» группа но Amiso Wott. Берпуметӥосыз ӧз чидалэ ивортытэк: та удмурт панкъёслэн берпуметӥ концертсы.

Тунсыко: «Лад-лад» ужрад 19-тӥ инвожое ортчыны кулэ вал, но ваньзэ сураз-пожаз сильзор. Таин йырин ульча-арт но ӧз пӧрмы: асфальт вылын пӧртэм буёло мелокъёсын удмурт пусъёсты уд суреда!

«Лад-ладлэн» валтӥсь малпанэз — калыкез выль удмурт культураен паймытон. Соин ик ми ос-киськом, эркын омырын шулдыръяськонъёс но, удмурт группаослэн кон-цертъёссы но таин уз быре. Азьпалан витё эш-шо но вӧлмытгес сценаос но сюрсо-сюрсо оупен-эйръёс.

Дарали Лели.

Удмурт Дунне
By Удмурт Дунне 27 июня, 2012 10:54