Сюрес — егитъёслы!

Удмурт Дунне
By Удмурт Дунне 8 июня, 2012 13:48

24-тӥ июне Ижын ортчоз Егитъёслэн нуналзы. Кылем арын сямен ик, туэ но пусъем нунал узыр луоз пӧртэм ужрадъёсын но ӵошатсконъёсын.

Сюан нуналзэс тодазы ваемзы потӥсь кенъёсты ӧтё Иж ӵыпет дуре. Татын бызем дэременызы пќрмытскем дыдыос ӵошатскозы.

Нылпи будэтӥсьёсты ӧтё Ялан ӝуась тыл дуре чеберъям коляскаосын. Таос пыриськозы нимысьтыз парадэ. Кин ӝоггес ортчоз «уробоен», со ик вормоз. Но коляскаын пукись пиналэз дыртонъязы медаз киргатэ.

Киров нимо паркын ортчоз «Открытый город» культурая фестиваль. Мылкыд карисьёс кылзыны быгатозы туала усточиослэсь пӧртэм инструментъёсын шудыны быгатэмзэс. Татын ик асьсэды возьматозы удмурт усточиос но, соос удмурт эктонъёслы дышетозы.

Шор площадьын быгатонлыкенызы паймытозы спортэн эшъяськисьёс. Татын возьматозы, мар со сыӵе стритбол, кроссфит, паркур. Байкеръёсты адӟемзы потӥсьёсты ӧтё Эшъяськонъя монумент дӥне.

Елена Фёдорова.

Удмурт Дунне
By Удмурт Дунне 8 июня, 2012 13:48