Сур юыны эрик ӧй вал

Удмурт Дунне
By Удмурт Дунне 15 июня, 2012 10:58

Россилэн нуналаз Удмуртиысь 12 ёросъёсын но городъёсын радъямын вал пӧртэм шулдыръяськонъёс. Оглом 80 сюрс адями люкаськылӥз паркъёсы, площадьёсы. 12-тӥ июне Ижысь 70 сюрс адями праздникез пусйыны потаз.

Та нуналлы полициын ужасьёс азьвыл ик дасяськизы. Полицилэн кивалтӥсезлэн воштӥсез Сергей Козлов верамъя, шаерамы югдурез чакланы оскемын вал 600 полицейскойёслы. Соослы юрттӥськизы 100 пала военнослужащийёс но охраная предприятиосын ог 100 ужасьёс.

Югдурез утисьёс уката сак чаклазы сур но аракы юисьёсты. Кинлы ке огпол вераса окмылӥз — соос ӟенеликъёссэс я киськазы, я тыро посудазэс сумкаязы ватылӥзы. Укыр кылзӥськисьтэмъёс пӧлы шедиз 34 мурт — соос штраф тыроно луозы. Полициын ужасьёс улэ ӝимизы быдэ вуымтэос но — 6 пиналъёс кудӟемын вал.

Йыртэмасьёс ки улэ шедиз Ижысь одӥг мурт гинэ. Учыр тупаз Индустриальной ёросын. Йыртэмасьёс кырмемын ӧвӧл на.

Елена Скворцова.

Удмурт Дунне
By Удмурт Дунне 15 июня, 2012 10:58