Партия воштӥськоз!

Удмурт Дунне
By Удмурт Дунне Июнь 1, 2012 13:03

«Огъя Россия» партилэн Москваын ортчем 13-тӥ съездаз вуылӥз Удмуртиысь делегация но. Та нуналъёсы отын эскерем ужпумъёс ласянь мылкыдзэс веразы «Огъя Россия» партилэн Удмуртиысь ёзэзлэн политсоветэзлэн секретарез Александр Соловьёв но солэн воштӥсез Андрей Гальцин.

Тодады вайытом: съездын быръемын вал «Огъя Россия» партилы выль азьветлӥсь. Биньгозыез оскизы Правительстволэн Тӧроезлы Дмитрий Медведевлы. Со сяна, быръемын вал Вылӥ кенеш, Валтӥсь (Генеральной) кенешлэн Президиумез но Контрольно-ревизионной комиссия. Валтӥсь кенеш пушкы пыриз Удмуртиысь адями – «Огъя Россия» партилэн Юкаменскысь ёзэныз кивалтӥсь, Юкаменск ёрослэн йырыз Борис Востриков. Генсоветэ оглом 170 адями пыриз.

Партилэн ӧтчамаз пыриськемез сярысь ивортыкуз, Александр Соловьёв пусйиз:

— Партилэн азьветлӥсез Дмитрий Медведев дэмлаз: улосъёсысь, интыосысь секретарьёсты кӧня ке мурт пӧлысь бырйылоно. Улосысь но интыысь секретарез озьы ик быръёно, вылды. Но первичкаосын сыӵе быръён радъяны секыт луоз. Угось асьмелэн соос укыр пичиесь. Соин ик юнматоно первичной огазеяськонъёслэсь быдӟалазэс, со 15-20 муртлэсь тросгес мед луоз. Тӥни соку праймериз ортчытыны луоз ни.

Александр Соловьёв ӟечен пусйиз партиен кивалтӥсьёслэсь ужан дырзэс: вить ар ӵоже, пе, интыосысь секретарьёс зэмос профессиональёс луозы, со ӟечен гинэ шӧдӥськоз ужзы вылын.

— Туж потэ вылэм, партиын кыӵе ке воштӥськонъёс мед луозы шуыса, — пусъе Александр Васильевич. — Адямиос тодо: валтӥсь «Огъя Россия» партия вань, но со котьку ик усьтэмын уг луы. Первичкаосысь, интыосысь секретарьёс партилэн ёзчиосыз азьын отчётъёс лэсьтыны кулэ. Озьы нокин уз аналскы, дисциплина возиськоз.

Съездэ ветлэм мукетыз делегат — Андрей Гальцин — мылкыдзэ шараяз партилэн уставаз пыртэм воштонъёс пумысен:

— Воштонъёс пыртэмын шуыса, туж умой. Со — дырлэн куронъёсыз, партия туала улонлы тупаны кулэ. Зэм, кивалтӥсьёслэн йыр висёнзы тросгес луиз: альтернативной быръёнъёс пыр потоно — куараез дырызлэсь вазь сётон пыр… Ваньмыз та выль, эскерыса утчано на. Асме монэ тросгес сюлмаськытэ мукетыз юан: нош мар бордын партилэн нуналмысь ужез? Партия — быръёнъёсы пыриськон понна кутӥськись машина гинэ ӧвӧл, дыр, ук? Тӥни та юанъёсылы валэктонъёс ӧтчам дыръя мон ӧй шедьты. Мукет ласянь, вераськон мынӥз кадръёсты будэтон ласянь. Вань должностьёсы, властьлэн пӧртэм тубатъёсызлы кадръёсъя резерв кылдытон — туж кулэ уж.

Андрей Гальцин верамъя, «Огъя Россилэсь» уставзэ выльдыку, лыдэ басьтэмын вал Удмуртилэн дэмланъёсыз но. Огез соос пӧлысь — огазеяськонлэн интыосысь ёзъёсынызы кивалтӥсьёслэсь полномочиоссэс кузьгес карон.

Ватсалом на: «Огъя Россия» партилэн 13-тӥ ӧтчамаз Удмуртиысь куать делегат вуылӥз. Александр Соловьёв но Андрей Гальцин сяна, партилэн куд-ог проектъёсыныз кивалтӥсь Светлана Кривилёва, партилэн Юкаменск ёросысь ёзэзлэн политсоветэзлэн секретарез Борис Востриков, Ижысь Индустриальной ёросысь ёзэзлэн политсоветэзлэн секретарез Любовь Зайцева но Кияса ёросысь исполкомлэн кивалтӥсез Надежда Шатрова.

Елена Васильева.

Удмурт Дунне
By Удмурт Дунне Июнь 1, 2012 13:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<