Кин вазь султэ?

Удмурт Дунне
By Удмурт Дунне 20 июня, 2012 10:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кин вазь султэ?

В. Андреева выемын сяськаосыз пӧлы.

Палэнысь тунсыко адямиосты утчан сяменымы, вӧзысьтымы эшъёсмы куд-ог дыръя палэнэ кылё. Газетамы 20 ар тырше ни Василиса Андреева. Милемды со бакчаяз будэтэм емышъёсыныз куноятылэ, чебер сяськаосыныз паймытъя.

Дэри ёросысь Якшур гуртын улӥсь Василиса Михайловнамы котьма карыны вуттӥське: уже но вазь вуэ, юртъер котыраз но чупрес берга. Туж яратэ бакчазэ, сяськаос мерттэ, сад будэтэ. Гурт калык али гинэ арбуз будэтон борды басьтӥське ай, нош солэн садаз айва, слива, барбарис, виноград кемалась пушъемын ини. Улмопуосыз, грушапуосыз, чияпуосыз лыдъяса быдтонтэм.

— Ваньзэ эскереме потэ, — шуэ Василиса Андреева. — Маке кельшытӥсько ке, мукет араз сое тросгес мерттӥсько. Валай, шуныт палан будӥсь емышъёс но асьме шаерын кисьмало. 15 арлэсь ятыр сииськомы ни ас будэтэм виноградмес. Китай айва но бичаськомы.

Алнаш ёросысь Ӧрка­гуртын будэм нылашлы бакчаез яратон мылкыд пыӵатэм песятаез. Гуртазы соослэн гинэ улмо садзы вылэм. Куать пинал пӧлысь Васса пичиез, соин, лэся, сад возьмасе но ӵем дыръя келляллям. Улмозылэсь компотъёс, варенняос пӧзьтылӥллям.

Быдэ вуыса, Можга ёросысь Пуйка гуртысь пияшен семья кылдытӥз. Иж пала улыны кошкизы. Якшурын пичигес юрт басьтӥзы. Корка котыразы гуртоос жуг-жаг куян инты пӧрмытӥллям вылэм. Ужез гажась семья ваньзэ сузяз-утялтӥз но сад мерттон борды басьтӥськиз.

Андреевъёслэн бакчаязы турлы сяськаос будо. Корка пушказы но йӧспӧртэм будосъёссы вань. Дасо аръёс пала мандарин, апельсин, лимон, грейпфрут будэто. Ваньзэ тыро-пыдо быдэстон понна Василиса Михайловна скал кыскисьёс кадь вазь ӵукна — 5 час котырын — султэ, гурт котырысь ужзэ лэсьтэ. Юнме вераллямтэ: кин вазь султэ, солы Инмар сётэ.

Валентина Емельянова.

Удмурт Дунне
By Удмурт Дунне 20 июня, 2012 10:22