Кинлэсь кылзэ юано?

Удмурт Дунне
By Удмурт Дунне 1 июня, 2012 12:57

2-тӥ июне быдэс ар луэ Пичи Пурга районысь Пугачёвоын пуштылонъёс ортчем дырысен.

Соку зуркан-куашкан улэ шедиз 3 сюрс 232 юрт. Россилэн бюджетысьтыз тупатъян ужъёслы нырысь-валысь висъяськиз ог 2 миллиард манет. Туэ тулыс тодмо луиз: эшшо тамында ик коньдон вуоз на.

Пуштылон бервылэз эске-

ронъя 6 комиссия кылдытэмын вал, али кельтэмын 3-ез. Комиссиослэн кивалтӥсьсы Роза Уракова верамъя, уж ӧз на йылпумъяськы. Нуналаз ог 30 заявление люкаське. Калык ӝожтӥське тупатъям юртъёсын выльысь кылдэм тэшканъёс, куашкан учыръёс сярысь. Комиссиез ӧтьыса, вазисько кышкыт югдуре шедем зонае пырисьтэм гуртъёсын улӥсьёс но. Берло толэзьёсы сыӵе куриськонъёс вуизы Кечолысь, Норьялась.

Тупатъян ужъёс пумысен вазиськисьёслы комиссиын ужасьёс али ӵекто ас кужыменызы уж борды кутскыны. Талы уксё висъяське — 2 сюрс 666 гражданъёслы тыремын быдэн 100 сюрс манет тупатъянзэс йылаз-пумаз вуттыны.

Бадӟым коньдонлэсь кулэезъя кутӥськемзэ чаклало нимысьтыз ёзъёс. Удмуртиысь Следствиея управление ӝутӥз 2 уголовной уж. Огез — юри малпаса пӧяськем сярысь, мукетыз — ужез тыро-пыдо быдэсъямтэен валче. Таиз уголовной уж али гуньдэмын: следовательёс уг тодо, кинлэсь кылзэ юаны, ивортӥз Следствиея управленилэн кивалтӥсезлэн валтӥсь юрттӥсез Сергей Макаров.

Со понна следовательёс шараязы мукетсэ йыртэмасез. Юри малпаса, бюджетысь висъям 3 миллион манетлэсь трос уксёен пыласькиз ёрос Кенешысь 31 аресъем депутат Дмитрий Марковин. Ужбергатӥсь коньдон басьтӥз куашкам юртъёсты тупатъям понна, нош уж быдэстэмын ӧй вал. Депутатлэсь кылзэ юалоз суд. Алдаськыса ужамез понна сое 10 арлы пытсэт сьӧры келяны луэ.

Али зуркан-куашкан улэ шедемен лыдъяське 3 сюрс 515 юрт. Эскерись комиссиос ужзэс азьланьто. Озьыен, шуге-леке вуэм юртъеръёслэн лыдзы эшшо йылыны быгатоз.

Елена Скворцова.

Удмурт Дунне
By Удмурт Дунне 1 июня, 2012 12:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<