Капкаез али но уг ворсаськы…

Удмурт Дунне
By Удмурт Дунне 26 июня, 2012 15:14

Капкаез али но уг ворсаськы…

П. Кубашев.

Пётр Кубашев сярысь ортчем дырын вераны ым уг усьтӥськы. 1932-тӥ арын 25-тӥ инвожое Алнашын вордӥськем писателез, крезьгурчиез улон ӧр пӧртэм интыосы вуттылӥз, уно адямиосын тодматылӥз.

Школа бӧрсьы Пётр Кубашев тодон-валанзэ будэтӥз Удмурт кун пединститутысь кылъя но литературая факультетын, КПСС-лэн ЦК-езлэн Вылӥ партшколаысьтыз журналистика ёзын, Москваысь культурая институтлэн аспирантураяз, Ижысь крезьгуръя училищеын.

Ужан сюрессэ мытӥз Татариысь Чабъя школаын, татын кылдытӥз «Ципья зоутъёс» ансамбль, тыршиз Удмурт радиоын, вал «Алнаш колхозник» газетлэн радакторез, телевидениысь чеберлыко передачаосъя валтӥсь редактор, партилэн Удмурт обкомезлэн пропагандая но агитацияя отделэзлэн кивалтӥсезлэн воштӥсез, УАССР-ысь культурая министрлэн вош-тӥсез. Дышетӥз Орёлысь культурая институтын но Удмурт университетын, нош бӧрысь ужаз «Кенеш» журналын.

 

* * *

Пётр Николаевичен нырысьсэ пумиськи, УдГУ-ын дышетскыкум. Орёлысь бертэм преподаватель милемды дунневыл культурая дышетыны ӧдъяз. Занятиос вискын олома пумысь но кыл пӧськытылӥмы. Со вакытэ «Шӧкычын» ужасько ни вал бере, куспамы лӧпшалляны, лӧбык сяммес но возьматъяны дӥсьтылӥмы. Соин но, дыр, писатель «Габи Ладёк» книгаяз тазьы гожтӥз: «Рашит, мусо эше, тон ӧжытак Габи Ладёк ӧвӧл-а? Малы бергес пумитай тонэ? Ничего, азьланяз сюресмы кузь на. Габи Ладёклэн матысь эшез, та книгалэн авторез. 5.03. 82.»

Тужгес но матынъяським Пётр Николаевич «Молот» («Кенеш») журналэ ужаны выжем бере — та журнал но «Советской Удмуртия» газет одӥг юртын потӥзы.

Огпол Ÿукна лобась мылкыдын дорам кожиз:

— Малы туннэ ӝегай, шуод, — портфеляз кизэ донгиз но гожъямъёссэ ӝӧк вылам сализ. — Тани мар борды басьтӥськи. Давай лыдœы, малпанъёстэ вералод.

Нырысь чуръёсыныз ик бинялтӥз монэ повестез. Тамак кыскон вискын но, уже мынон-бертон сямен но со сярысь вераськылӥм. Одӥг пол, троллейбусын кыл сэстонэнымы сэрен, солэсь васьконзэ ортчиськеммы. Дорам кожоно кариським. Олокытысь-олошайысь кузпалы эгырен, мудрон лампаен омыр чылкытатон басьтэм. Магазинъёсын вузъёс ӧй вал бере, ми кадьёслэн сыŸезэ уйвӧтамы но адœылэммы ӧй вал.

— Чынзэ ик-а та яшшик омырез чылкытатэ? — кышноелы уг оскы Пётр Николаевич. — Тамак Ÿынэз но?

— Ӧйтӧд…

Мон пала берыктӥсь-кыса, Кубашевлэн ымыз паляз:

— Рашитбей, мар немец агрегат та? Ойдо пурккетыса оскалтом ай.

Выж вылын кыллись макеез ӝӧк вылэ пуктӥм но сигаретъёсмес аратӥм. Кӧня лабыртӥм гожтӥськись повестез пумысь, оло, быдэс пачка пурккетон Ÿынлы берытскиз. (Азьпалтыса верало: ужан аръёсаз Кубашевлы нуналаз пачка тамак ӧз тырмылы, 60 арессэ пусйиз но та сямзэ Ÿогем кадь уретӥз).

— Ӧвӧл, зыныз чик ӧвӧл, — паймиз Кубашев, — мон но семьяме басьтыны косо ай. Машинка сьӧрын пукыкум, балконын коть тамакаса дыр быдтонэз уз луы.

Озьы гожтэм повестезлэн бадœым люкетэз «Молотэз» лыдœисьёс доры вуиз «Йӧ вырœон вакытэ» нимын.

Собере утчаськись-тунсыкъяськись писатель Можга черкогуртэ вуылӥз, педтехникумлэсь укноостэк сы-лӥсь жальмыт но вуж юртсэ адœыса, журналэ синвуаськымон-йыркуръяськымон публицистика печатлаз. Но вырœем-бугырскем сюлмыз инты ӧз шедьты. Кубашев кыткиськиз повесть гожтон борды. «Удалтэм аръёс» книгаез югыт дуннеез адœиз 1988-тӥ арын. Кузьмаса автор гожтӥськиз: «Гажано Рашит бабай! Юрттӥд ик тон, гажано эше, та книгаме пумаз-йылаз вуттыны! Кӧня усто Ÿектонъёс сётӥд, кӧня кулэтэмзэ куяны-сузяны юрттӥд. Тау! 18.11.88».

 

* * *

80-тӥ аръёсы писательёс кенэм тысь мында книга куадаллязы. Тужгес но бурдъяськизы егит гожъясьёс. Огинэ кариськыса, лыдъяса быдтонтэм пумиськонъёс радъяллязы. Вуылӥзы шаермылэн пӧртэм сэрегъёсаз, поталлязы башкырт но бигер улосъёсын улӥсь удмуртъёс доры.

Лӧпшась сямызлы луыса егитъёс сьӧрысь ӧз кыльылы Пётр Кубашев но. Лыдœисьёсын пумиськонъёсты нуонэз со вылэгес погыльтыны тыршы-лӥм. Угось со œудыса ӧз сылылы: капчи, шулдыр, серекъятӥсь сямыз бордаз серметам кадь ветлӥз — кыл песьтэрез котьку усьтэмын. Йыраз уго олокыŸе но тумошо учыръёс, улон суредъёс утисько — котькудзэ мадь.

Куддыр могак но ка-рись-кылӥз. Юромо. Сцена вылэ потоз но панясь синъёсыныз учкисьёс вылтӥ ортчоз, мынясь ымыз амалтэк музэн усьтӥськоз: «Малы ай мон татчы потӥ вал…» Горектон-серекъян чалмытскем бӧрсьы сачак одӥг-кык пальыштыксэ кисьтоз но мукетызлы кыл сётоз.

Кызьы вырӟытоно калыкез, Кубашев ӟеч тодэ вал. Аспирантураын дыръяз дасяз клуб ужъёслы сӥзем диссертация. 1979-тӥ арын «Удмуртия» издательство поттӥз солэсь «Становление и развитие сети клубных учреждений в Удмуртии» ужзэ. Но, кивалтӥ-сез кулэмен, диссертацизэ утьыса ӧз вутты. Мукет кивалтӥсь доры келязы. Таизлэн куронэз аслаз. «Озьы-а ма? — аслэсьтыз юаз вуоно тодосчи. — Тонъя кариськид ке, выль уж гожтоно луоз. Кандидат луытэк но чыртыям сиес шедьто ай…»

Озьы ик кариз. Зымиз гожъяськонэ, крезьгуранэ. Лӧбык сямзэ но ӧз ышты:

— Пиньёсы ке но ӧвӧл, ымы ачиз серекъяны усь-тӥське. Лӧбекей мон. Вот кин.

 

* * *

Тужгес но зол ӧръяськиз Пётр Николаевич, пенсие кошкыса. Кудӥз но соиз, шутэтскыны потыса, азьпал сюрессэс ышто-йыромо. Нош Кубашев писательлэн гожъяськон капкаез вӧлак усьтӥськиз. «Кенеш» журналын «Огпаръёс» повестез печатласькем сяна, пуксеттэм гожъяськись та гожтоссэ сцена вылын шудыны тупатъяз на. Сапарайкинъёслэн семьязы сярысь пьесаен «Удмурт дуннеез» лыдœисьёс но тодматскизы. Со печатласькиз 2009-тӥ арын пӧсьтолэзе потэм номеръёсын.

Вуттӥськиз берыктон уже но. «Нылпиослы Библия», «Мар понна улӥсь-код?», «Христианство. Дас мыдлань малпанъёс», «Инмарен дунне» но мукет книгаос удмуртомизы 90-тӥ аръёслэн шор вадесазы. Улонмы начар вал бере, огпол юано кариськи:

— Лушкемак уксё жиль-дӥськод вылэм? — кие кутымон чебер книгаосты возьматӥсько.

— А-а, — ас манереныз ымнырыз тылсияськиз, — соос долларен тыро…

Озьы котькуд удысэз вормыны-ӝутыны визь но кынар шедьтылӥз.

Но писательлэн тужгес бадœым вормонэз — «Кайсы» романзэ быдэстон. «Гомась инвис», «Йӧ вырœон вакытэ», «Кайгу» но «Зуркыт сюресъёс» люкетъёс пыр ортчо отысь геройёс но быдэс кызетӥ даурез возьмато. Кенешылӥм-вераськылӥм, геройёссэ сӥсъям, азинскон сюрессэс чаклаллям. Башкырт музъем вылысь Янаул ёросысь Чучча гурт калык сярысь люкетъёсыныз лыдœисьёссэ тодматӥз вал «Удмурт дунне» газет но. Аслам архивам но романэзлэн одӥг экземплярез утиське.

Тани бер ӝыт телефон жингыртэ:

— Калтак, — тодмо куара кылӥське, — пересь йыр шу монэ.

— Мар сыӵе?

— Визь куашка. Печатласькон вискам кофе юоно кариськи но чашкаме клавиатура вылэ пуктӥськем. Кисьтӥськиз — вань бичаме ышиз. Уд-а юртты, компьютерез валась тодмоосыд тынад трос луыны кулэ. Ато сомында пукеме кофеяськиз…

Юрттӥсьёс сюризы. Ачиз но писатель чырмыт ужаз. 75 арес тырмонэзлы романзэ книгаен кутэмез потэ ни вал. Быдэсаксэ œуч кылэ но берыктыса вуттӥз вал. Но… вал.

Со аръёсы ик крезьгуран дуннее но вуттӥськыны дыр шедьтылӥз: Флор Васильевлэн кылбуръёсызъя огшокчемен 15 кырœан пӧраз. Нош ик жингыртэ:

— Кышно дежурствоын, бишбармак пӧрасько. Лайиськонме быдтӥ, пушкессэ дасяй. Тон вуытозь, дась луоз.

Электрофортепьяноен шудэмез улсын пукимы, выль гуръёссэ кылзыса. Со гуръёс али но пель сьӧрын. Со гинэ-а ма! Пётр Николаевичлэн трос гуръёсыз жингырало шаермылэн пӧртэм сэрегъёсаз. Кытысь ке пыдлось кылӥське на Чабъяысь удмуртъёслэн «Ципья зоутъёс» ансамбльзылэн гурламез…

Рашит Хайдар.

Удмурт Дунне
By Удмурт Дунне 26 июня, 2012 15:14