Зарни песянай

Удмурт Дунне
By Удмурт Дунне Июнь 1, 2012 12:56

Трос нылпиё анайёсты данъян ужрадын Якшур-Бӧдья ёросысь Альбина Веретенникова Удмуртилэн Президентэзлы ӵектонзэ вераз нылпиосты утьыны юрттӥсь песянайёслэсь нуналзэс тупатон сярысь.

Быдэс дуннеез паймытыса кельтэм брангуртъёсын пумиськон дыръя Александр Волков 26-тӥ маез ялӥз шаерысьтымы песянайёслэн нуналэнызы. Таин валче «Удмурт дунне» газетлэн редакциез «Мынам Удмуртие» кун телерадиокомпаниен ӵош ялэ «Зарни песянай» ужрад.

Ветеран огазеяськонъёс, культура учреждениос, нылкышно клубъёс мыло-кыдо песянайёс пӧлын радъяны быгатозы удмуртлыкез утись-вӧлмытӥсь пукон ӝытъёс — нуныкайёсынызы ӵош возьматозы киужъёслы, кырӟаны-эктыны, мадиськыны-вераны быгатэмзэс. Татысь ик быръёмы но возьматомы усточиосты. Газетчиос но телевидениын ужасьёс дорады потыны дасесь, ивор гинэ келялэ.

Зарни песянайёсын тодматсконэз радъяломы газет бамъёсын но. Ӵыжы-выжыоссы сяна, котьмалы но усто песянайёс сярысь гожтыны быгатозы матысь тодмооссы. Нуныкайёсынызы огкыл шедьтэменызы валче, возьматоно кибашлы луэмзэс, кырӟаны-вераны, маскаръяськыны быгатэмзэс. Кин ке, оло, туж усто ӟечкылан пӧрмытоз, песянайлэн кыӵе ке но вормонэзлы яке вордӥськем нуналэзлы сӥзьыса.

Устоосыз гожтэмъёс но ӟеч туспуктэмъёс (сканер пыр поттэмъёсыз уз мынэ) печатласькозы газет бамъёсын. Нош сӥзьыл, Арлыдоослэн нуналэнызы валче, тужгес но устооссэ зарни песянайёсмес нимысьтыз дунъяломы.

«Зарни песянай» конкурс сярысь пыр-поч ивортонэз матысь дыре печатлалом.

Лия Малых.

Удмурт Дунне
By Удмурт Дунне Июнь 1, 2012 12:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<