Дан поттыны дыр ӧвӧл…

Удмурт Дунне
By Удмурт Дунне 8 июня, 2012 13:45

Президент Александр Волков дорын эскеремын Ижез азинтонъя программалэн быдэсъяськемез.

Ивортон лэсьтӥз шоркарлэн йырыз Александр Ушаков.

Кылем арлы йылпумъянъёсын доклад чебер пӧрмиз — вормонъёс ӧжыт ӧвӧл. Соос пӧлысь тужгес бадӟымез — берло аръёсы Ижын улӥсьёслэн лыдзы тросгес луэ. Кулэмъёс ӧжытгес, нуныос тросгес вордско. Со сяна, мурт шаеръёслы синмаськисьёс но ӧжытгес кылизы. Озьы 2010-тӥ арын ижъёс 603-лы тросгес луизы ке вал, кылем арын — 928-лы.

Мар бордысь та потэ? Адямиослэн азьланьлы осконзы юнма.

Улон-вылонлэсь ӟеч­лык­сэ валаны луэ шоро-куспо уждунъя но. Городысь промышленной предприятиосын со али 19 сюрс 540 манет, кылем арынлэсь 12 процентлы бадӟымгес. Адямиос корка пырон лэсьто — кылем арын 2 сюрс семьялы таӵе шуд усиз. Синэ нылпи садъёсы черод. Кылем арын 1 сюрс пиналлы ватсаса инты усьтэмын вал, туэ эшшо 750-лы йылтыны чакламын. Талы луыса 3 аресысен вань пиналъёс садэ ветлыны быгатозы ни.

Кузь докладысь эшшо трос пусйымонзэ кылыны луиз на. Но Президент Александр Волков шуиз: вольыт ивортонэз кылзон понна гинэ туннэ ӧм люкаське. Данъяськыны дыр ӧвӧл, шараяно тырмымтэосты но. Ваньмы ӵошен эскерыны-чакланы кулэ, кыӵе ужпумъёс тужгес сюлмаськыто туннэ Ижын улӥсьёсты. Собере, кулэ луиз ке, кык пол но, куинь пол но люкаськылом на соосты сэрттон-пертчон понна.

Элина Васильева.

Удмурт Дунне
By Удмурт Дунне 8 июня, 2012 13:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<